LUKAS 14:13 - Ombibeli Iyapuki

¹³ Ndele ngeenge to pake po oitelekela, ifana ovakwanaluhepo noingudu noilema novapofi.

LUKAS 14:13 Referans Kwoze

LUKAS 14:21

“Ndele omupiya okwa aluka ndele okwa hepaululila omwene waye adishe, ndele mwene weumbo okwa handuka, ndele ta lombwele omupiya waye: ‘Endelela, inda keendjila nokomalila oshilando, ove u ka ete mo oingudu neehepele novapofi noilema.’

JESAJA 58:10

ndele to pakele po omufindjala eendja, ndele to kutifa omwenyo wa polimana, opo nee ouyelele woye otau ke ku xwamena momilaulu, nomilaulu doye otadi kala ngaashi ouyelele wopokati komutenya.

OMAYELETUMBULO 14:31

Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke.

JESAJA 58:7

Oleli, u pambulile omufindjala komungome woye, ove u idilile omapongo meumbo loye? Ngeenge to mono omunhu e li olutu longaho, mu djaleka, ove ino hondama ou ombelela yoye.

OVAHEBERI 13:2

Okuyakula ovaenda inamu ku dimbwa, osheshi moku shi ninga vamwe va nangeka ovaengeli, inave shi shiiva.

NEHEMIA 8:10

Ye okwe va lombwela vali: “Indeni mu ka lye eendja dinyenye ndele mu ka nwe oikunwa inyenye, ndele tumeni eendja kwaava inava telekelwa sha. Osheshi efiku eli la yapulilwa Omwene wetu; onghee hano inamu nyika oluhodi, osheshi ehafo mOmwene olo eenghono deni.”

MATEUS 22:10

Ndele ovamati ova ya keendjila, ndele va eta mo aveshe ovo va mona ko, vai novawa; olupale loshivilo shehombolo ola yada ovaenda.

DEUTERONOMION 16:14

Ndele ove u nokunyakukwa moshivilo shoye, oove mwene nomona woye omumati nomona woye okakadona nomupika woye omulumenhu nomukainhu, nOmulevi nomunailongo nofiye nomufiyekadi, ava ve li peenhu doye.

1 TIMOTEUS 5:10

ndele a hepaululwa a longa oilonga iwa ndele a tekula ounona vaye nokuyakula ovaenda, ndele a kosha eemhadi dovayapuki nokwa kwafa ovahepekwa, ndele okwa diinina oshilonga keshe shiwa.

DEUTERONOMION 16:11

ndele ove u nokunyakukwa koshipala shOmwene Kalunga koye, ove nomona woye omumati nomona woye okakadona nomupika woye omulumenhu nomukainhu nOmulevi ou e li peenhu doye nomunailongo nofiye nomufiyekadi, ava ve li pwoove, monhele tuu oyo Omwene Kalunga koye ta ka hoolola, opo edina laye li kale ko.

DEUTERONOMION 14:29

Opo nee Omulevi te uya, osheshi ehe noshitukulwafyuululwa pamwe naave, nomunailongo nofiye nomufiyekadi, ava ve li peenhu doye, vo ove nokulya nokukuta, opo Omwene Kalunga koye a shiive oku ku nangeka noupuna moilonga aishe yomake oye ho ningi.

1 TIMOTEUS 3:2

Hano, omufitaongalo e nokukala omuhenashipo, omulumenhu womukainhu umwe aeke, omulidiliki, omunaendunge, omunaenghedi, e shii okuyakula ovaenda, e shii okulonga.

JOB 29:13

Enangeko noupuna lomukwanaluhepoelela le uya kwaame, nomutima womufiyekadi nde u hafifa.

NEHEMIA 8:12

Opo oshiwana ashishe sha fikama sha lya ndele sha nwa ndele sha tumina eendja ovo inava telekelwa sha ndele sha dana oshivilo shehafo. Osheshi osho sha li shi udite ko eendjovo she di lombwelwa.

2 OMAFIMBO 30:24

Osheshi Hiskia, ohamba yaJuda, ya yandja koshiongalele eengobe deemhedi eyovi needi omayovi aheyali. Novakulunhu va yandja koshiongalele eengobe deemhedi eyovi needi omayovi omulongo. Novapristeli vahapu ve liyapula.

2 SAMUEL 6:19

Nokwa yandjela ovanhu aveshe, eongalo alishe laIsrael, ovalumenhu novakainhu, keshe umwe omungome umwe, onhumba yombelela noshikuki sheeviinyu. Opo nee ovanhu aveshe, keshe umwe a ya keumbo lavo.

TITUS 1:8

ndelenee e shi okuyakula ovaenda, e hole ouwa, omunambili, omuyuki nomuyapuki nomulidiliki,

FILEMON 1:7

Osheshi onda pewa ehafo linene nehekeleko molwohole yoye, osheshi omitima dovayapuki oda hekelekwa kwoove, omumwatate.

OILONGA YOVAYAPOSTOLI 9:39

Ndele Petrus okwa fikama ndele ta i pamwe navo. Ye eshi a fika ko, vo ove mu twala mondjuwo inya yokombada, ovafiyekadi aveshe ove uya kuye, tava lili, ndele tave mu ulikile eembidja neehema odo Dorkas e di hondja, eshi a li puvo.

LUKAS 11:41

Eshi shomeni shi yandjeni oikwafa yeehepele, aishe notai mu koshokele.

OMAYELETUMBULO 22:9

Ou e nehalo liwa ota ka nangekwa noupuna, osheshi ota yandje komukwanaluhepo omungome waye.

MATEUS 15:30

Ndele eengudu dinene dovanhu de uya kuye, ndele da eta oingudu noilema novapofi novafitamatwi navakwao vahapu, ndele tadi va nangeke keemhadi daye; Oye okwe va velula.

LUKAS 14:12

Ndele Ye okwa lombwela ou e mu ifana po ta ti: “Ngeenge to pake po omwisha ile ouvalelo, ino ifana ookaume koye ile ovamwanyoko ile ovakweni ile ovashiinda voye oipuna, vehe ku ifane yo, ove u futwe ngaha.

LUKAS 14:14

Ndele ove to ningi omunelao, osheshi ovo kave na eshi tave ku pe, ndele to ka futilwa menyumuko lovayuki.”