LUKAS 13:17 - Ombibeli Iyapuki

¹⁷ Ndele eshi a popya odo, ovatondi vaye aveshe ova fya ohoni, nongudu aishe ya nyakukilwa oilonga yaye inene iwa.

LUKAS 13:17 Referans Kwoze

1 PETRUS 3:16

ndele mu kale mu neliudo liwa, opo oonakusheka okweenda kweni kuwa muKristus va fifwe ohoni omwaai have i mu shekele.

OMAPSALOME 132:18

Ovatondi veni ohandi va dike odino, ndelenee oshishani shokomutwe waye, nashi kale tashi vilima.”

2 TIMOTEUS 3:9

Ndelenee vo kave na apa tava ehene komesho, osheshi oulai wavo otau ka holokela aveshe, ngaashi waavenya wa holoka yo.

OILONGA YOVAYAPOSTOLI 4:21

Ndele venya nande va weda ko vali omaaneko, ve va efa ngaho, osheshi vo inava mona sha shoku va handukilila omolwovanhu, osheshi aveshe ova hambelelela Kalunga eshi sha ningwa.

LUKAS 20:40

Ndele vo va tila oku mu pula sha vali.

LUKAS 19:48

ndele va nyengwa nhumbi ve mu ninge, osheshi ovanhu aveshe ve mu hokwa ndele ove mu pwilikina.

LUKAS 18:43

Opo tuu opo ye a mona ko, ndele okwe mu shikula nokufimaneka Kalunga, novanhu aveshe ava ve shi mona, ova hambelela Kalunga.

LUKAS 14:6

Ndele vo ova nyengwa okunyamukula eendjovo edi.

JESAJA 45:24

Otava ka tya nge: mOmwene omo amuke tamu monika ouyuki neenghono; kuye vo ve noku ke uya. Ndelenee aveshe ava ve mu handukila otava i kuye nokufya ohoni.

JESAJA 4:2

Mefiku tuu olo Oshitutumine shOmwene otashi tutumine oixupe yaIsrael ewapalo nefimano, noimeno aishe yomedu otai menene oulenga woupuna.

OMAPSALOME 111:3

Oilonga yaye oya tumbala noya fimana, nouyuki waye otau kala po alushe.

OMAPSALOME 109:29

Ovatondi vange nava dikwe elengwa, ve liuvike odino ngaashi oshidjalomwa.

OMAPSALOME 40:14

Aveshe ava tava nangele omwenyo wange, ve u nyonaune po, nava fifwe ohoni, i va pembife oshipala; ava va halela nge omupya, nava shunifwe shanimanima, va lengaifwe.

EXODUS 15:11

“Akutu Omwene, olyelye e li ngaashi Ove mokati koikalunga? Olyelye e li ngaashi Ove omufimanekwa mouyapuki, onakutilika moilonga ya fimana, Ove ho longo oikumwifa.

JESAJA 66:5

Udeni ondjovo yOmwene, onye ava hamu kakama molwondjovo yaye! Ovamwaxo oonaku mu tonda, ndele tave mu taataa molwedina lange, tava ti: “Omwene na holole oshinge shaye, opo tu tale ehafo leni!” Ndelenee vo otava ka fifwa ohoni!

TITUS 2:8

neendjovo doye nadi kale diwa nodihe noshipo, omunandubo a fifwe ohoni eshi ina mona omhito oku tu popila molwii.