LUKAS 12:33 - Ombibeli Iyapuki

³³ Landifeni po eliko leni, nye mu yandje oikwafa yeehepele, lilikoleleni omakutu ihaa kulupa, emona meulu ihali xulu po, omo ihamu hange omulunga nonhwishi itai nyonauna.

LUKAS 12:33 Referans Kwoze

MATEUS 19:21

Jesus ta ti kuye: “Ngeenge wa hala okuwana wa pwa, inda u ka landife po aishe ei u i kwete, u i yandje keehepele, ndele to kala u nemona meulu, ndele ila, u shikule nge.”

LUKAS 18:22

Ndele Jesus eshi e di uda okwa tya kuye: “Shimwe she ku pumba natango: landifa po aishe u i kwete, ove u i tukulile eehepele, ndele to kala u na emona meulu, ndele ila ove u shikule nge.”

OILONGA YOVAYAPOSTOLI 2:45

Ndele ova landifa po omapya avo noinima yavo, nove i tukulila aveshe opaemhumbwe dakeshe.

LUKAS 16:9

Ame ohandi mu lombwele: “Likongeleni nemona loipupulu ookaume, olo ngeenge tali xulu po, opo ve mu tambule momaumbo aalushe.

LUKAS 12:21

Hano osho, ou te lilikolele emona, ye ke na oupuna puKalunga.”

HAGGAI 1:6

Nye omwa kuna mo shihapu, ndelenee mwa teya shinini. Nye mwa lya, ndelenee inamu kuta. Mwa nwa, ndelenee inamu kumwa. Nye mwa djala, ndelenee inamu dja outalala. Naau ta longele ondjabi te i tula mokandjato ka pombauka.

2 OVAKORINTO 8:2

nande ova li momayeleko manene nomadjuu, molwouyadi wehafo lavo, nomoluhepo lavo linene ova yandja nomwenyo muwa eeshali dihapu.

JOHANNES 12:6

Ndele eshi ine shi tya a yavelela eehepele, ndele osheshi a li omulunga, naashi a li a humbata okakutu koimaliwa, ndele okwa li ha kufa mo eshi tashi tulwa mo.

LUKAS 11:41

Eshi shomeni shi yandjeni oikwafa yeehepele, aishe notai mu koshokele.

OMAYELETUMBULO 13:7

Ope na umwe te linomo nokutya, ye oshipuna, ndelenee ke na sha nande. Umwe te lininipike nokutya, ye ohepele, ndelenee e noinima ihapu.