LUKAS 12:31 - Ombibeli Iyapuki

³¹ Ndelenee kongeni ouhamba waKalunga naai aishe otamu i wedelwa ko.

LUKAS 12:31 Referans Kwoze

MATEUS 6:33

Ndelenee kongeni tete ouhamba waKalunga nouyuki waye, opo tamu wedelwa ko ei aishe.

OVAHEBERI 13:5

Mokukala kweni kaleni muhe nolwisho. Eshi mu shi kwete nashi mu wanene, osheshi Ye okwa tya: “Ame ihandi ku efa noitandi ku fii po nande.”

OMAPSALOME 34:9

Tileni Omwene, ovayapuki vaye nye, osheshi ava, have mu tila, itava pumbwa sha nande.

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.

JOHANNES 6:27

Inamu lilongela eendja edi tadi xulu po, ndelenee eendja edi tadi kala fiyo okomwenyo waalushe, odedi Omona wOmunhu te di mu pe, osheshi Oye tuu ou Xe, Kalunga mwene, e mu tula oshihako shaye.”

OMAPSALOME 84:11

Osheshi Kalunga Omwene, Oye etango noshikelelifo; Omwene oha yandje ouwanghenda nefimano; ava tava ende moshili, ite va kelele nande osha shiwa.

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

OMAPSALOME 37:3

Lineekela Omwene, u longe ouwa, kala moshilongo, u diinine oshili!

OMAPSALOME 37:25

Nghee nda li omumati fiyo nda kulupa, omuyuki inandi mu mona nande a efuwa, ile oludalo laye tali ehela oshifima.

JESAJA 33:16

Oye ta ka mona onhele yaye pombada pokule, ehondamenongulu laye olo ohotemanya yaye; ota ka pewa omungome waye nomeva itae mu pwininine.

OMAPSALOME 37:19

Itava fifwa ohoni mefimbo lii, nomomafiku ondjala otava kutifwa.

LUKAS 10:42

Ndelenee shimwe ashike sha pumbiwa. Maria okwe lihoololela ombinga iwa itai mu kufwa.”

LUKAS 12:30

Osheshi aishe ei ohai kongwa koiwana yomounyuni, ndele Xo yeni oku shi shii nokutya omwe i pumbwa.