LUKAS 12:2 - Ombibeli Iyapuki

² Ndele kape na osho sha tuvikwa itashi ka tuulwa, ndele kape na osho sha holekwa itashi ka hololwa.

LUKAS 12:2 Referans Kwoze

MARKUS 4:22

Osheshi kaku na osho sha holekwa, itashi ka hololwa, naasho sha hondama, itashi ka holoka.

LUKAS 8:17

Osheshi kaku na oshiholekwa, itashi ka hololwa, ndele kape na osho sha hondama, itashi ka shiivika noitashi uya pouyelele.

2 OVAKORINTO 5:10

Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.

OMUUDIFI 12:14

Osheshi Kalunga ota alula keshe oshilonga ketokolo, olo tali uya kombada yoinima aishe ya holekwa, iwa naii.

1 OVAKORINTO 4:5

Hano inamu tokola sha manga efimbo inali fika, fimbo Omwene ine uya, ou ta holola ei ya holekwa momulaulu, nomadilongo omutima ote a holola; opo nee keshe umwe ota pewa epandulo laye kuKalunga.

OVAROMA 2:16

efiku olo Kalunga eshi ta tokola muKristus Jesus oiholekwa yovanhu opavaengeli lange.

JEREMIA 16:17

Osheshi omesho ange taa dakamene eendjila davo adishe, do inadi holekwa nge, nongaashi omanyono avo inaa holekwa omesho ange.

HOSEA 8:13

Ohava yambe ombelela etomenoyambo lange. Ndele tave i li po. Omwene ine shi hokwa. Paife ota ka dimbulukwa owii wavo, ndele ta handukile omatimba avo. Ove nokushuna kuEgipiti.