LUKAS 11:26 - Ombibeli Iyapuki

²⁶ yo otai i ndele tai ka kufa eemhepo dikwao heyali, edi di i dule mowii, notadi uya ndele tadi kala mo, nohauxuuninwa yomunhu ou otai ningi ii, i dule yotete mowii.”

LUKAS 11:26 Referans Kwoze

JOHANNES 5:14

Ndele konima yoinima ei Jesus okwe mu mona motembeli, ndele ta ti kuye: “Tala, ove wa veluka, ino nyona vali, uha hangike kowii umwe u dule winya.”

MATEUS 12:45

Opo nee tai i ndele tai ka konga eemhepo dikwao dii di i dule, ndele tadi i mo ndele tadi kala mo. Ndele okukala kwaxuuninwa kwomunhu ou, otaku ningi kwii ku dule kwinya kwotete. Hano epupi eli lii osho tali ningilwa.”

1 JOHANNES 5:16

Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.

SEFANIA 1:6

naava yo va efa Omwene, ndele itava kongo Omwene, ndele itave mu pula.”

MATEUS 23:15

“Woo nye, ovanongo vomishangwa nOvafarisai, ovanaihelele nye, eshi hamu taulula efuta nedu mu likole omulongwa umwe; ndele ngeenge sha ningwa, otamu mu ningi omona woheli, e mu dule luvali.

LUKAS 11:25

Ndele ngeenge tai i mo, otai li hange la kombwa nola wapekwa,

LUKAS 11:27

Ndele fimbo kwa li ta tongo odo, omukainhu umwe womongudu a popya mokule ta ti: “Edimo le ku humbata oli na elao nomavele aa wa nyama.”