LUKAS 10:7 - Ombibeli Iyapuki

⁷ Ndelenee meumbo tuu omo kaleni mo, mu lye nye mu nwe osho ve shi kwete, osheshi omulongi okwe lilongela ondjabi yaye. Inamu pitapita eumbo neumbo.

LUKAS 10:7 Referans Kwoze

2 TIMOTEUS 2:6

Omunepya ou te lihepeke oye e nokupewa tete oiimati.

OVAGALATI 6:6

Ndelenee ou ta longwa eendjovo, oye na tukulile omulongindjovo waye moinima yaye aishe iwa.

LUKAS 9:4

Ndele ngeenge tamu i meumbo, kaleni omo fiyo tamu ehene komesho.

MARKUS 6:10

Ndele Ye okwa tya kuvo: “Keshe meumbo omo tamu i mo, kaleni mo fiyo otamu ka ehena komesho.

1 TIMOTEUS 5:13

Ndele vo otava ningi ovananyalo mokweendaenda nomaumbo, ndele havananyalo ashike, ndelenee otava popyaana notave litula moinima yovanhu ndele tava popi eendjovo dihe shi okupopiwa.

OILONGA YOVAYAPOSTOLI 16:34

Opo ye okwe va twala meumbo laye, okwe va pakela po ndele ta hafe, osheshi ye mwene neumbo laye alishe va ninga ovaitaveli vaKalunga.

OILONGA YOVAYAPOSTOLI 16:15

Ndele ye eshi a shashwa pamwe novaneumbo laye aveshe, okwe tu indila ta ti: “Onye ngeenge tamu tale nge onda itavela Omwene, ileni hano meumbo lange nye mu kale mo.” Oye okwe tu fininika.

DEUTERONOMION 12:12

Ndele kaleni nokunyakukwa koshipala shOmwene Kalunga keni, nye vene novana veni ovamati novana veni oukadona, novapika veni ovalumenhu novakainhu nOmulevi ou ta kala peenhu deni, osheshi ye ke na oshitukulwafyuululwa pamwe nanye.

OILONGA YOVAYAPOSTOLI 16:40

Ndele eshi va dja modolongo ova ya keumbo laLidia, ndele va monafana novamwatate, nove va kumaida, ndele tava di po.

LUKAS 10:6

Ndele ngeenge omu na omona wombili, ombili yeni otai mu kalelele, ndele ngeenge kamu na, otai mu alukile.

NUMERI 18:31

Ndele nye mu noku i lya monhele imwe aike, nye neumbo leni. Osheshi oyo ondjabi yeni molweyakulwalonga petwali leongalo.

DEUTERONOMION 18:8

Vo aveshe nava pewe eendja davo oshipewa shi fike pamwe, ponho yaasho, umwe e shi likola mokulanda po sha shomefyuululo laye.