LUKAS 1:8 - Ombibeli Iyapuki

⁸ Ndele fimbo kwa li ta longo oilonga youpristeli koshipala shaKalunga omolufo letanga laye,

LUKAS 1:8 Referans Kwoze

2 OMAFIMBO 8:14

Ndele pamhangela yaxe David, e mu lombwela, ta popi eengudu dovapristeli, okwe va ulikila oilonga yavo; nosho yo oinakuwanifwalonga yOvalevi nokutya, okuhambelela Kalunga nokuwanifa moipafi yovapristeli oilonga yomefiku keshe. Nosho yo oilonga yovanangeli voivelo paengudu doposhivelo keshe. Osheshi osho David, omulumenhu waKalunga a tile.

1 OMAFIMBO 24:19

Olo hano eshikulafano lomalufo avo omoilonga yavo, va ye mongulu yOmwene palombwelomhango laxe Aron, ngaashi Omwene, Kalunga kaIsrael e mu lombwela.

2 OMAFIMBO 31:2

Ndele Hiskia okwa tula po eengudu dovapristeli nodOvalevi paengudu davo, pashilonga shakeshe umwe ngeenge paupristeli ile paulevi, okuyakula nokupandula nokuhambelela poivelo yonhanda yOmwene fimbo omaxwikiloyambo nomapanduloyambo taa yambwa.

LUKAS 1:5

Opomafiku aHerodes, ohamba yOvajuda, okwa li ku nomupristeli edina laye Sakaria, wetanga laAbia, nomukainhu waye womoludalo laAron, edina laye Elisabet.

ESRA 6:18

Ndele va tula po ovapristeli paengudu davo nOvalevi paengudu davo va longele Kalunga muJerusalem ngaashi sha shangwa membo laMoses.

2 OMAFIMBO 31:19

Ovapristeli, oludalo laAron, ovo va kala moulifilo woilando va li ve novalumenhu moshilando, va tumbulwa kedina ovo va li ve nokutukulila ovalumenhu aveshe vomokati kovapristeli nOvalevi aveshe ovo va shangwa meshikulafano lepata oitukulwa yavo.

2 OMAFIMBO 11:14

Osheshi Ovalevi va fiya po omaulifilo noitukulwafyuululo yavo, ndele ve uya kuJuda nokuJerusalem. Shaashi Jerobeam novana vaye ovalumenhu ve va ta mo, vo inava itavelwa vali okukala ovapristeli vOmwene.

NUMERI 18:7

Ndelenee ove novana voye ovamati pamwe naave mu nokulonga oshilonga shoupristeli weni moinima aishe yoaltari naashi shi li meni loshitukulifoyata, omo tamu longo oilonga yeni. Oshilonga sheni shoupristeli ohandi shi mu pe oshali. Nomuyeni ou ta ehene po e nokudipawa.”

EXODUS 30:30

Ove u nokuvaeka yo Aron novana vaye ovamati noku va yapulila okuyakula nge moshilonga shoupristeli.

EXODUS 29:44

Osho ngaha hano Ame ohandi ka yapula etwali leongalo noaltari. NaAron novana vaye ovamati Ame ohandi ke va yapula yo, opo va yakule nge moshilonga shoupristeli.

EXODUS 29:9

va mangifa nomwiya woshiyata, Aron novana vaye ovamati, komitwe davo mangifa oumbale, opo va shiive okukala moshilonga shoupristeli ngaashi onghedimhango yaalushe. Osho ngaha hano ove u nokunangeka Aron novana vaye ovamati moshilonga shoupristeli.

EXODUS 29:1

“Oku va yapulila oshilonga shoupristeli va longele nge, ove u noku va ningila ngaha: Kufa ongobe yomhedi onyasha needi mbali dihe noshiponga,

EXODUS 28:41

I djaleka Aron, mumwanyoko, novana vaye. Ndele va vaeka noku va nangekela oshilonga shavo noku va yapulila okulongela nge moshilonga shoupristeli.

EXODUS 28:1

“Ndele ifana Aron mumwanyoko, novana vaye ovamati pamwe naye movana vaIsrael ve uye kwoove, opo vo va shiive okulongela nge moshilonga shoupristeli: Aron, Nadab naAbihu, Eliaser naItamar, ovana vaAron.

1 OMAFIMBO 24:2

Ndelenee Nadab naAbihu va fya moipafi yaxe, ndele vo va li vehe novana ovamati, onghee hano Eliaser naItamar va yakula moshilonga shoupristeli.

LUKAS 1:7

Ndele vo ova li vehe na okaana, osheshi Elisabet okwa li ongadji naaveshe vavali va kulupa.