LUKAS 1:6 - Ombibeli Iyapuki

⁶ Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

LUKAS 1:6 Referans Kwoze

GENESIS 7:1

Ndele Omwene okwa lombwela Noa ta ti: “Inda mongulu yomomeva, ove neumbo loye alishe, osheshi ove onde ku mona omuyuki koshipala shange mepupi eli.

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

OVAFILIPPI 2:15

opo mu kale ovahenashipo, mwa koshoka, ovana vaKalunga, muhe na edilo mokati koludi eli la pilalala nola ngolyoka, mu vilime mokati kavo ngaashi eenyofi mounyuni,

OILONGA YOVAYAPOSTOLI 24:16

Onghee naame yo ohandi kondjo shili ndi kale alushe ndi neliudo lihe noshipo puKalunga nopovanhu.

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

1 OVATESSALONIKI 3:13

opo Ye a pameke omitima deni, di hangike dihe noshipo omouyapuki koshipala shaKalunga ketu, Tate yetu, omokwaaluka kwOmwene wetu Jesus Kristus, pamwe novayapuki vaye aveshe.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

1 JOHANNES 2:3

Ndele opo tuu opo otu shi shii nokutya, otwe mu shiiva, nge ohatu diinine oipango yaye.

2 PETRUS 3:14

Onghee hano, ovaholike, mokuteelela oinima ei kendabaleni shili, mu monike puye muhe nonyata nomuhe noshipo mombili;

JOB 1:8

NOmwene ta pula Satana: “Ove wa didilika tuu omupiya wange Job? Osheshi kombada yedu kaku na nande umwe ngaashi ye: omulumenhu ehe noshipo, nomuyuki ndele ta tila Kalunga ndele ta kukuma owii.”

1 JOHANNES 3:7

Ovamwange nye, muha pukifwe nande okulyelye! Ndele ou ha longo ouyuki, oye omuyuki, ngaashi Oye omuyuki.

1 JOHANNES 2:29

Hano ngeenge mwe shi shiiva nokutya, Oye omuyuki, omu shi shii yo kutya, keshe ou ta longo ouyuki, okwa dalwa muye.

OVAKOLOSSI 1:22

Ye e mu hanganifa paife molutu lombelela yaye omolwefyo laye, opo e mu tule koshipala shaye ovayapuki, muhe noshipo nomuhe noushima,

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

1 OVAKORINTO 11:2

Ndele ohandi pandula eshi tamu dimbulukwa nge moinima aishe notamu diinine omalongo ngaashi ame nde e mu pa.

OILONGA YOVAYAPOSTOLI 23:1

Ndele Paulus okwa tala oshiongalele shovakulunhu ndele ta ti: “Ovalumenhu nye ovamwatate, moinima aishe ame onda kala nokweenda koshipala shaKalunga ndi neliudo liwa fiyo efiku eli.”

OMAPSALOME 119:6

Opo ngeno ame itandi fifwa ohoni, eshi handi tale oipango yoye aishe.

JOB 9:2

“Oshili, ondi shi shii, oyo oyoshili. Omunhu ota dulu ngahelipi okumonika omuyuki koshipala shaKalunga.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

GENESIS 6:9

Omahepaululo epata laNoa. Noa okwa li omulumenhu omuyuki nokwa li ehe na etimba mokati kovanhu vomounyuni waye. Noa okwa enda pamwe naKalunga.

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

DEUTERONOMION 5:33

Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

LUKAS 1:7

Ndele vo ova li vehe na okaana, osheshi Elisabet okwa li ongadji naaveshe vavali va kulupa.

LUKAS 2:25

Ndele tala, muJerusalem omwa li mu nomunhu edina laye Simeon, omuyuki nokwa tila Kalunga, onakuteelela ehekeleko laIsrael, nOmhepo Iyapuki ya kala muye.

OILONGA YOVAYAPOSTOLI 2:25

Osheshi David te mu tongo: ‘Alushe handi mono Omwene koshipala shange, osheshi Oye e li kolulyo lange, ndiha tengauke.

OILONGA YOVAYAPOSTOLI 8:21

Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga.

OVAROMA 8:4

opo ouyuki, ou tau pulwa komhango, u wanifwe mufye ava ihatu ende pambelela ndele opaMhepo.

2 OMAFIMBO 17:4

Ndelenee okwa konga Kalunga kaxe ndele ta ende moipango yaye ndele ina ninga ngaashi Israel.