LUKAS 1:31 - Ombibeli Iyapuki

³¹ Ndele tala, ove to ningi omufimba ndele to dala okamati, ndele to ka luka edina lako Jesus.

LUKAS 1:31 Referans Kwoze

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

MATEUS 1:25

Ndele ye ine mu kuma fiyo a dala okamati. Ndele okwe ka luka Jesus.

LUKAS 2:21

Ndele eshi pa pita omafiku ahetatu, okaana ka pita etanda nedina lako ola lukwa Jesus, olo tuu olo ke li lukwa komweengeli fimbo inaka holoka medimo laina.

MATEUS 1:23

“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.

OVAGALATI 4:4

Ndelenee ewano lefimbo eshi la fika, Kalunga okwa tuma Omona waye a dalwa komukainhu nokwa dalelwa momhango,

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

LUKAS 1:27

okokakadona ka putulwa komulumenhu edina laye Josef, womepata laDavid, nedina lokakadona oMaria.

OMAYELETUMBULO 23:25

Hafifa xo nanyoko, naau e ku dala, mu nyakukifa pombada.

LUKAS 20:44

Hano David eshi te mu ifana Omwene, Oye omona waye ngahelipi?”