LUKAS 1:17 - Ombibeli Iyapuki

¹⁷ Ndelenee ye ote mu tetekelele momhepo nomeenghono daElia, nomitima dooxe ote di alulile kovana, novahaduliki keendunge dovayuki, opo a longekidile Omwene oshiwana sha pwa.”

LUKAS 1:17 Referans Kwoze

MATEUS 11:14

ndele ngeenge mwa hala okutambula: oye Elia kwa li e nokuuya.

LUKAS 1:76

Ndele ove okaana, oto ka ifanwa omuxunganeki waau wOkombadambada, osheshi ove u nokutetekelela Omwene noku mu palela eendjila daye,

JOHANNES 3:28

Onye vene eendobwedi dange, ame eshi nda tile: ame haame Kristus, ndelenee nda tumwa oku mu tetekelela.

OMAPSALOME 78:8

vo vaha kale ngaashi ooxe, ava va li va lundakana, nova xuma, oludi li nomutima u neteke, nomhepo yalo ihe kwete okutekuka kuKalunga.

1 OMAFIMBO 29:18

Omwene, Kalunga kootate Abraham, Isak naIsrael, diinina fiyo alushe ehalo la tya ngaha lomadiladilo omitima dovanhu voye ndele omitima di yukifa kwoove,

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

OVAKOLOSSI 1:12

nokupandula nehafo Tate, ou e tu wapaleka tu pewe oshitukulwa shefyuululo lovayapuki mouyelele.

OMAPSALOME 111:10

Okutila Omwene oko efina lounongondunge, aveshe ava tava kala mulo, otava nongopalelele; efimano laye ohali kala fiyo alushe.

2 TIMOTEUS 2:21

Hano, ngeno ope na ou te liyelifa mwaai, ye ota ningi oshiyuma sha fimana sha yapulwa shi noshilonga kumwene washo, sha wapalela keshe tuu oshilonga shiwa.

JESAJA 29:24

Naava va kala ve nomhepo yokupuka, otave lilongo eendunge, novangongoti otava tambula elongo.”

OVAROMA 9:23

opo a shiivife ouhapu wefimano laye moitoo yefilonghenda oyo e i longekidila nale efimano.

OILONGA YOVAYAPOSTOLI 10:33

Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”

JOHANNES 1:34

Ndele ame nde shi mona, ndele handi hepaulula nokutya, Oye Omona waKalunga.”

JOHANNES 1:13

Ovo inava dalwa mohonde, ile mehalo lombelela, ile mehalo lomulumenhu, ndelenee omuKalunga.

LUKAS 1:16

Ndele vahapu vomovana vaIsrael ote va alulile kOmwene Kalunga kavo.

MATEUS 14:4

Osheshi Johannes okwe mu tile: “Oshidila, ito dulu okukala naye.”

AMOS 4:12

Onghee hano Israel, Ame ohandi ke ku ningila ngaha. Eshi Ame handi ke ku ningila ngaha; lilongekida, oove Israel, u shakene naKalunga koye!”

OMAPSALOME 10:17

Omwene, Ove ho udu odjuulufi yovalininipiki; Oove ho pameke omitima davo; nokutwi kwoye to ku ehenifa kuvo,

2 OMAFIMBO 29:36

Ndele Hiskia noshiwana ashishe sha hafela osho Kalunga e shi ningila oshiwana shaye, osheshi sha ningwa moduduluka.

1 EEHAMBA 21:20

Opo nee Ahab ta ti kuElia: “Omutondadi wange ove, wa hanga nge nokuli mboli?” Ye okwa nyamukula: “Heeno, onde ku hanga nokuli. Osheshi ove we lilandifa po u ninge osho inashi yuka momesho Omwene!

1 EEHAMBA 17:1

Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.”

1 JOHANNES 2:28

Ndele paife ovamwange, kaleni muye, opo fiku ta holoka, fye tu kale neyombamo, tuha fifwe ohoni nokutewa po kuye omokwaaluka kwaye.

MATEUS 3:4

Ndele Johannes okwa li ha djala oshikutu sholududi longamelo, nekwamo loshipa moshiya shaye; eendja daye odo oshipaxu nomaadi eenyiki.

2 EEHAMBA 1:16

ndele te i lombwele: “Omwene ta ti ngaha: ‘Ove eshi wa tuma ovatumwa kuBaal-Sebub oshikalunga shaEkron u mu pule, owe shi ninga ngeno shaashi kape na Kalunga mbela muIsrael u pule ondjovo yaye? Onghee hano ito ka penduka vali mombete muyo wa londa ko, osheshi ove oto ka fya shili.’ ”

1 EEHAMBA 18:18

Opo nee ta nyamukula: “Haame nda twala Israel momupya, ndelenee ove neumbo loye, nye eshi mwa efa oipango yOmwene ndele mwa shikula ooBaal.

1 SAMUEL 7:5

Samuel ta ti vali: “Shivileni Ovaisraeli aveshe kuMispa, opo nee ame ohandi ke mu indilila kOmwene.”

MATEUS 3:3

Osheshi Oye tuu ou a xunganekwa komuxunganeki Jesaja, eshi ta ti: “Ondaka yomwiingidi tai udika mombuwa: ‘Longekidileni Omwene ondjila, mu yelakanifileni omalila.’ ”