LUKAS 1:13 - Ombibeli Iyapuki

¹³ Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

LUKAS 1:13 Referans Kwoze

OILONGA YOVAYAPOSTOLI 10:31

ndele ta ti: ‘Kornelius, eilikano loye ola udika noikwafa yoye oya dimbulukiwa koshipala shaKalunga.

1 SAMUEL 2:21

NOmwene okwa dimbulukwa Hanna, onghee ye a ninga oufimba nokwa dala natango ovana vatatu oulume novana vavali oukadona. Nomumati Samuel okwa kula pOmwene.

OMAPSALOME 113:9

Omwalikadi ongadji ote mu pe onhele meumbo, ote mu ningi omudalakadi a hafele ovana. Halleluya!

GENESIS 25:21

Ndele Isak okwa ilikana Omwene molwomwalikadi waye, osheshi ye okwa li ongadji. Ndele Omwene okwe mu uda, nomwalikadi waye, Rebeka, okwa ninga oufimba.

LUKAS 2:21

Ndele eshi pa pita omafiku ahetatu, okaana ka pita etanda nedina lako ola lukwa Jesus, olo tuu olo ke li lukwa komweengeli fimbo inaka holoka medimo laina.

OMAPSALOME 118:21

Ohandi ku pandula, eshi wa uda nge, naashi wa ninga omuxupifi wange.

GENESIS 18:14

Ope na tuu sha tashi nyenge Kalunga? Pefimbo tuu eli momudo tau uya, Ame ohandi ka aluka, ndele ohandi hange Sara e na okaana okamati.”

MATEUS 14:27

Ndelenee Jesus e va popifa diva, ta ti: “Kaleni nomwenyo muwa, Aame ou, inamu tila.”

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

MATEUS 28:5

Ndele omweengeli okwa popifa ovakainhu ndele okwa tya: “Nye inamu tila; osheshi ndi shi shii, onye tamu kongo Jesus, omuvalelwa komushiyakano.

DANIEL 10:12

Opo ye a tya kwaame: “Ino kala wa tila, Daniel, osheshi okudja kefiku lotete eshi omutima woye we u endekela okushiiva nokulininipika koshipala shaKalunga koye, eendjovo doye oda udika. Nomolweendjovo doye ame onde uya.

OVATOKOLIPANGELI 6:23

Ndelenee Omwene okwe mu lombwela: “Ombili nai kale naave! Ino tila! Ito fi!”

GENESIS 17:10

Ehangano lange eli mu na oku li diinina, eli li li pokati ketu nanye nopokati ketu noludalo loye tali ku shikula, nokutya, okamati keshe mokati keni otaka ka pitifwa etanda,

LUKAS 1:30

Ndele opo omweengeli okwa tya kuye: “Maria, ino tila, osheshi ove owa mona onghenda kuKalunga.

JESAJA 8:3

Ndele ame nda ya komwalikadi wange omuxunganeki, ndele ye okwa ninga oufimba, ndele ta dala okamati. NOmwene okwa lombwela nge, ndele ta ti: “Edina lako li luka Maher-Saalal-Has-Bas.

HOSEA 1:6

Opo omwalikadi a ninga vali oufimba, ndele a dala okakadona ndele Omwene okwa lombwela Hosea, ta ti: “Ka luka Lo-Ruhama (tashi ti: ina filwa onghenda), osheshi itandi ka fila vali eumbo laIsrael onghenda, ndi va dimine po.

HOSEA 1:4

Ndele Omwene e mu lombwela ta ti: “Mu luka Jisreel (tashi ti: Kalunga ta halakanifa), osheshi oku na okafimbo kanini, ndele handi ka kongolola etimba laJisreel, li ye mepata laJehu, ndele handi xulifa po oshilongo sheumbo laIsrael.

MARKUS 16:6

Ye okwa tya kuvo: “Inamu tila. Otamu kongo Jesus Omunasareti, omuvalelwa komushiyakano. Ye okwa nyumuka, ke mo omu. Taleni onhele ei apa va li ve mu nangeka.

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

LUKAS 1:14

Ndele ye ota ka kala ehafo nenyakuko kwoove, ndele vahapu otava ka hafela edalo lako.