Ndelenee Moses okwa londa kuKalunga, ndele Omwene okwe mu ifana komhunda ndele ta ti: “Eumbo laJakob u noku li lombwela ngaha, novana vaIsrael u noku va udifila ngaha:
Ndele opo tuu opo Ame ohandi ke ku shakeneka nokoshituviko shekwatakanifo pokati kovakerubi vavali ava ve li koshikefa omo omhango i li, Ame ohandi ke ku lombwela adishe odo u noku di lombwela Ovaisraeli.
Olo li nokukala exwikiloyambo laalushe komapupi nomapupi poshivelo shetwali leongalo, koshipala shOmwene, omo Ame handi ka shakena nanye ndi popye nanye omo.
Ndele Moses eshi a ya metwali leongalo a popye nOmwene, ye a uda ondaka ei ya popya naye koshituviko shekwatakanifo eshi shi li kombada yoshikefa shehangano, pokati kovakerubi vavali. Osho ngaha hano Ye a popya naye.
Ndele Moses okwa kufa etwali liyapuki ndele e li dikila pondje kokule nonhanda. Ndele ye okwe li luka etwali leongalo. Ndele keshe ou kwa li a hala okupula kOmwene ta i pondje ketwali leongalo, la li kombada yonhanda.
Ndele Omwene okwa lombwela Moses: “Londa komhunda u uye kwaame u menekele po, opo ndi shiive oku ku pa oipelende yomamanya nomhango noipango nde i shangela mo oku va longa.”
Nomuvalu womaxwikiloyambo, a etwa koshiongalele, wa li eengobe omilongo heyali, eedi efele deemhedi, oudjona omafele avali; aishe oyo exwikiloyambo lOmwene.