JOSUA 9:9 - Ombibeli Iyapuki

⁹ Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti,

JOSUA 9:9 Referans Kwoze

JOSUA 9:24

Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi.

DEUTERONOMION 20:15

Osho u nokuninga oilando aishe ei i li kokule naave, oyo inai nangalwa koiwana ei.

JESAJA 66:19

Ndele Ame ohandi ka didilika edidiliko mokati kavo, naava vomokati kavo va xupifwa ohandi va tumu koiwana kuTarsis, kuPul, kuLud noonakulukilomauta, okuTubal, kuJavan nokeenhunhu dokokulekule, inava uda eenghundana dange noinava mona oshinge shange; ndele vo otava ka hepaulula oshinge shange mokati koiwana.

JESAJA 55:5

Tala, oto ka ifana oiwana wa li uhe i shii, noiwana inai ku shiiva, tai ka tondokela kwoove molwOmwene Kalunga koye, nomolwOmuyapuki waIsrael, osheshi Ye e ku fimanekifa.

OMAPSALOME 148:13

Ovo tuu, nava tange edina lOmwene, osheshi edina laye olo alike la fimana; oshinge shaye ohashi mane ko eulu nedu.

OMAPSALOME 83:18

Vo va kale, ve shi koneka, nokutya Oove ou to ifanwa Omwene, Ove auke u li po Okombadambada medu alishe.

OMAPSALOME 72:19

Edina laye liwa la fimana nali pandulwe fiyo alushe, nedu alishe nali yadifwe noshinge shaye! Amen, heeno, Amen.

NEHEMIA 9:5

NOvalevi Josua naKadmiel, Bani, Hasabneja, Serebja, Hodia, Sebanja, Petahja tava ti: “Kaleni ofika! Hambeleleni Omwene Kalunga keni alushe fiyo omoukwaalushe! Edina loye la fimana nali hambelelwe, lo ola yeluka kombada omapandulo nomahambelelo aeshe!”

1 EEHAMBA 8:41

“Nosho yo omunailongo, ou ke fi womoshiwana shaIsrael, ngeenge ta di moshilongo shokokule, te uya omolwedina loye,

NUMERI 14:15

Ovanhu ava ngeenge to va kombo po ngaashi omunhu umwe, opo nee oiwana, eshi tai udu eenghundana tadi ku tongo, otai ka tya:

EXODUS 15:14

Oiwana ye shi kundana, yo oya kakama, etyololoko la kwata oonakukala muFilistia.

EXODUS 9:16

ndelenee Ame nde ku efa u kale po, opo ndi shiive okumonifa eenghono dange mwoove, edina lange opo li udifwe kombada yedu alishe.

OILONGA YOVAYAPOSTOLI 8:7

Osheshi eemhepo da nyata oda dja mo muvahapu, ava va li ve di kwete, oda ingida mokule noingudu novanaudu vahapu vombada ova veluka.

NUMERI 20:14

Opo nee omo muKades Moses okwa tuma ko ovatumwa kohamba yaEdom: “Omumwanyoko Israel ta ti ngaha: Ove mwene wa shiiva omaudjuu aeshe e tu hanga.

JOSUA 9:10

naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot.

JOSUA 9:16

Ndelenee omafiku atatu eshi a pita, ehangano navo eshi la ningwa, ovanhu va uda nokutya, venya ohava kala moushiinda wavo nomokati kavo.

JOSUA 9:17

Osheshi ovana vaIsrael ova dja po ndele va fika koilando yaavenya mefiku etitatu. Oilando yaavenya ya li: Gibeon naKefira naBeerot naKiriat-Jearim.

DEUTERONOMION 20:11

Ndele vo ngeenge tave mu nyamukula nombili, ndele tave shi mu yeululile, oonakukalamo aveshe musho, ve nokuninga ovalongeli veni noku mu longela.

OMAPSALOME 78:12

Okwa li a longa oilonga yoixuna monhanaisho yooxe momahenene aSoan, moshilongo shaEgipiti.