JOSUA 9:7 - Ombibeli Iyapuki

⁷ Ndelenee ovalumenhu vaIsrael va lombwela Ovahevi: “Kashiimba tamu kala mokati ketu, ohatu dulu ngahelipi okuninga ehangano nanye?”

JOSUA 9:7 Referans Kwoze

JOSUA 11:19

Kapa li nande oshilando shimwe sha ninga ombili novana vaIsrael, Ovahevi aveke, oonakukalamo muGibeon. Aishe ve i nangala neenghono dokulwa.

OVATOKOLIPANGELI 2:2

ndelenee inamu ninga nande ehangano noonakukalamo vomedu eli. Oiyambelo yavo mu noku i ngumauna po.’ Ndelenee nye inamu pwilikina ondaka yange. Paife omwa ninga shike?

JOSUA 9:1

Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda,

DEUTERONOMION 20:16

Ndelenee ovanamwenyo ava ve li moilando yoiwana ei, Omwene Kalunga koye, te i mu pe efyuululo, ino va xupifa nande umwe.

NUMERI 33:52

nye mu nokutaataa oonakukalamo aveshe vedu komesho yeni nokuhanauna po oihongwafano yavo. Nosho yo mu nokuhanauna po oitelekwafano yavo aishe nokutokeka oikulundu yavo yokuyambela.

EXODUS 34:12

Lungama uha ninge ehangano noonakukala medu to i mulo, vo vehe ku tele omwiyo,

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

GENESIS 34:2

Opo nee Sekem, omona waHamor, Omuhevi, ohamba yoshikandjo, eshi e mu mona, ye okwe mu kwata ndele ta nangala naye kefininiko.

GENESIS 10:17

nOvahevi nOvaarki nOvasini

OVATOKOLIPANGELI 3:3

eehamba nhano dOvafilisti nOvakaanan aveshe nOvasidoni nOvahevi, ava va kala keemhunda daLibanon okudja komhunda yaBaal-Hermon fiyo okomhito yokuya kuHamat.

EXODUS 23:22

Ndelenee ove ngeenge to pwilikine ondaka yaye ndele to wanifa ashishe Ame handi ke ku lombwela, Ame ohandi ka ninga omutondadi wovatondadi nomunaita wovanaita voye.

2 SAMUEL 24:7

Ndele ve uya kohotelando yaTirus nokoilando aishe yOvahevi noyOvakaanan. Ndele va dja ko ve uya kuBerseba kombinga yokoumbuwanhu muJuda.