JOSUA 8:2 - Ombibeli Iyapuki

² Ndele ove u nokuninga Ai nohamba yasho ngaashi wa ningile Jeriko nohamba yasho. Ashike oixuulwa yasho noimuna yasho otamu i litinhile. Tula ehonyeno konima yoshilando.”

JOSUA 8:2 Referans Kwoze

DEUTERONOMION 20:14

Ovakainhu aveke nounona noimuna naashishe shi li moshilando, heeno, oixuulwa aishe u nokulitinhila, ndele u nokulya oihakanwa ei Omwene Kalunga koye e ku pa.

OMAYELETUMBULO 13:22

Omulumenhu muwa ta fyuululifile ovatekulu vaye, ndelenee emona lovalunde tali tuvikililwa ovayuki.

2 OMAFIMBO 20:22

Ndele eshi va hovela okunyakukwa nokwiimba eimbilo lehambelelo, Omwene okwa tula ovanhu va ninge ekulwila konima yovana vaAmmoni novaMoab novovanhu vokeemhunda daSeir, ava ve uya okulwifa Ovajuda, ndele va tewa po.

JOSUA 6:21

Naashishe eshi sha li moshilando, ove shi dipaa neongamukonda, omulumenhu nomukainhu, omunyasha nomukulunhu fiyo okongobe nodi nondongi.

JEREMIA 51:12

Eehotekuma daBabilon di dikileni epandela! Hapupalifeni ovanangeli. Pamekeni ovanangeli, longekideni oikulo! Osheshi eshi Omwene e shi diladila ote shi ningi yo, ashishe osho e shi tongela oonakukala muBabilon, ote shi wanifa.

JEREMIA 17:11

Ngaashi odila tai tendula omai inai a dala, osho yo ou te lilikolele oupuna nomakoto. Pokati komafiku okukala kwaye oku noku a fiya po, nopexulilo laye ota ka kala elai.

OMAYELETUMBULO 28:20

Omulumenhu e shii kulineekelwa ta nangekwa noupuna shili. Ndelenee ou e nolwisho lokupunapala, ita kala ina handukilwa.

OMAPSALOME 39:6

Omunhu ota endaenda a fa ashike omudidimbe; te lipyakidile ashike; emona otali tuvikilwa, ndele ou te li kufa mo, ke shiivike.

2 OMAFIMBO 13:13

Ndelenee Jerobeam okwa tula ovanhu mekulwila, konima yavenya; Osho ngaha vamwe va kala komesho yovalumenhu Ovajuda, ndele vakwao mekulwila konima yavo.

JOSUA 10:28

Mefiku tuu olo Josua okwa ta yo Makkeda ndele okwa dipaa neongamukonda oonakukalamo. Nohamba yasho noshilando shoovene neemwenyo adishe da li mo okwe di yapulila ehanauno, inava efa nande umwe a xupa po ile a ya onhapo. Nohamba yaMakkeda ye okwe i ningila ngaashi a ningile ohamba yaJeriko.

JOSUA 10:1

Ndele Adoni-Sedek, ohamba yaJerusalem, eshi ya uda nokutya, Josua okwa teya Ai nokwe shi yapulila ehanauno ngaashi a ningile yo Jeriko nohamba yasho, osho a ninga yo Ai nohamba yasho, ndele oonakukalamo muGibeon va panga ombili nOvaisraeli ndele va li mokati kavo,

JOSUA 8:24

Ovaisraeli eshi va dipaa neongamukonda ovanhu vaAi aveshe ava va li moluhaela nomombuwa oko ve va taataela, ndele venya aveshe va fya fiyo okomulumenhu waxuuninwa, opo nee Ovaisraeli aveshe va aluka ndele va ya kuAi ndele venya va hanga mo ove va dipaa neongamukonda.

JOSUA 8:19

Nomatanga ovakwaita aa, a li mehonyeno okwa fikama diva monhele yao ndele a tota, eshi a mona ye a nana eke laye, ndele enya a ya mo moshilando ndele e shi kwata ndele a tomeka diva oshilando.

JOSUA 8:14

Nohamba yaAi eshi ye shi mona, ovalumenhu vomoshilando ova endelela ongula inene, ndele yo oya dja mo ya ka shakeneka Israel molwoodi, yo nomatanga ayo aeshe ovakwaita monhele ya pangelwa poluhaela. Ndelenee yo inai shiiva nokutya, opa li ehonyeno konima yoshilando shayo.

JOSUA 8:12

Osho ngaha hano ye okwa kufa ngeno ovakwaita omayovi atano nokwe va tula mehonyeno pokati kaBetel naAi kombinga yokouninginino woshilando.

JOSUA 8:9

Osho ngaha hano Josua okwe va tuma ko, ndele vo ova ya kehonyeno ndele va kala pokati kaBetel naAi, kombinga yokouninginino waAi. Ndelenee Josua okwa li oufiku winya pamwe novanhu.

JOSUA 8:7

Opo nee nye mu nokudja mo mehonyeno nokutotela oshilando, osheshi Omwene Kalunga keni ote ke shi mu pa.

DEUTERONOMION 3:2

Opo nee Omwene okwa lombwela nge: ‘Ino mu tila, osheshi Ame ohandi mu yandje meke loye pamwe novanhu aveshe noshilongo shaye. Ndele nye mu noku va ninga ngaashi mwa ningile Sihon, ohamba yOvaamori, ei ya kala muHesbon.’

JOSUA 8:3

Opo nee Josua okwa fikama pamwe nomatanga aeshe ovakwaita a ka homone Ai. Ndele Josua okwa hoolola ovalumenhu ovakwanyati omayovi omilongo nhatu nokwe va tuma ko oufiku.

JOSUA 8:8

Ndele nye ngeenge mwa totela oshilando mu noku shi tomeka, pandjovo yOmwene mu noku shi ninga. Taleni, ame ohandi shi mu lombwele.”

DEUTERONOMION 2:35

Oimuna aike twe i xuula noitinhwa yomoilando ei twe i nangala.

JOSUA 9:3

Ndelenee oonakukalamo muGibeon, eshi va uda eshi Josua a ningila Jeriko naAi,

JOSUA 11:14

Noixuulwa aishe yoilando inya noimuna, Ovaisraeli ve i litinhila ngaashi oihakanwa. Ovanhu aveke ve va dipaa keongamukonda fiyo ve va mana po. Inava efa nande umwe ou e nomufudo a kale nomwenyo.