JOSUA 8:1 - Ombibeli Iyapuki

¹ Opo nee Omwene okwa lombwela Josua ndele ta ti: “Ino tila, ino mbadapala! Kufa omatanga aeshe ovakwaita pamwe naave, fikama inda kuAi. Tala, ohandi yandje momake oye ohamba yaAi novanhu vayo noshilando shayo noshilongo shayo.

JOSUA 8:1 Referans Kwoze

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

DEUTERONOMION 7:18

Ino kala to i tila. Dimbulukwa alushe osho Omwene Kalunga koye a ningila Farao naEgipiti alishe,

DEUTERONOMION 1:21

Taleni, Omwene Kalunga keni e mu pa oshilongo osho. Fikameni, shi nangaleni, Omwene Kalunga kooxo ngaashi e mu lombwela. Inamu tila, inamu limbililwa.’

JOSUA 6:2

Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye.

DEUTERONOMION 31:8

NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”

JESAJA 43:2

Ngeenge to pitile momeva, Ame ondi li pwoove; ngeenge pe nomilonga domeva itadi ku yelula; ngeenge to pitile momundilo, itau ku lungwinifa, nelaka lomundilo itali ku xwike.

MATEUS 8:26

Ndele Oye okwa tya kuvo: “Ovaneitavelo linini nye, oshike mu noumbada?” Ndele okwa fikama, ndele ta hanyene omhepo nefuta, ndele pa ninga eloto linene.

DANIEL 4:35

Noonakukala kombada yedu otava talwa ovo vongaho. Ngaashi Ye a hala osho ta ningile omatanga ovakwaita vomeulu noonakukala kombada yedu. Ndele kape na ou ta dulu okukelela eke laye noku mu lombwela: Oto ningi shike?

DANIEL 4:25

Ove to tewa mo mokati kovanhu, ndele to ka kala pamwe noifitukuti yomoixwa, oto ka pewa omwiidi ngaashi eengobe, oto ka kala wa tuta komume yokeulu; ndele osho ngaho ove to pitifa po omafimbo aheyali, fiyo to ka shiiva, ou wOkombadambada oha pangele oshilongo shovanhu ndele te shi pe ou Ye a hala.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

JEREMIA 46:27

“Ndelenee oove omupiya wange Jakob, ino tila, naIsrael, ino kala wa haluka! Osheshi tala, Ame ohandi ku xupifa meenhele dokokule noludalo loye omoshilongo shoupika woye. Ndele Jakob ota ka alukila ndele ta kala nombili netulumuko, ehe na nande ombudi nokape na nande omunhu te mu halwifa.

JESAJA 12:2

Heeno, Kalunga Oye exupifo lange; ame handi mu lineekele, ndele ihandi tila sha. Osheshi Kalunga Omwene, Oye eimbilo lange neenghono dange, omuye hamu di exupifo lange.

OMAPSALOME 46:11

Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela

OMAPSALOME 44:3

Osheshi omikonda davo, hado de va monififa oshilongo, nomaoko avo, hao e va longela efindano, ndelenee eke loye lokolulyo, nokwooko kwoye nouyelele woshipala shoye, oyo tuu, ye shi ninga; osheshi Ove we va hokwa.

OMAPSALOME 27:1

Omwene, Oye ouyelele wange nexupifolao lange; Olyelye ndi tile ngeno? Omwene, Oye ohote yokukalamwenyo kwange; olyelye ta mbadapalifa nge vali?

JOSUA 7:9

NOvakaanan noonakukalamo aveshe vomoshilongo ngeenge tave shi udu, otave tu dingilile ndele tava dimi po edina letu kombada yedu. Ove oto ka ninga shike omolwedina loye linene?”

JOSUA 10:7

Opo nee Josua okwa fikama a dja muGilgal, ye nomatanga aeshe ovakwaita novaladi aveshe pamwe naye.

JOSUA 10:8

Ndele Omwene okwa lombwela Josua ta ti: “Ino va tila, osheshi Ame ohandi ke va yandja meke loye. Ndele pehe na nande umwe womuvo ta ka dula okulipopila moipafi yoye.”

JEREMIA 49:3

Akutu Hesbon, lila! Osheshi Ai osha tewa! Kwenaukeni, nye ovana oukadona vaRabba! Djaleni eeshako moiya! Lileni eenghali! Kaleni nokweelaela pokati koyuunda noyuunda. Osheshi Milkom ota shii ka ya moupika pamwe novapristeli vasho nomalenga asho aeshe.

DEUTERONOMION 7:21

Ino va haluka, osheshi Omwene Kalunga koye oku li pwoove, Oye Kalunga omunene noha tilika.

JOSUA 2:24

Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”