JOSUA 7:13 - Ombibeli Iyapuki

¹³ Penduka! Yapula ovanhu u tye: ‘Liyapuleni ongula, osheshi Omwene Kalunga kaIsrael ta ti ngaha: Mokati keni, Israel, omu noinima ya tokolelwa ehanauno! Nye itamu dulu okulipopila moipafi yovatondadi veni fimbo inamu kufa po mokati keni oshinima sha tongolelwa ehanauno.’

JOSUA 7:13 Referans Kwoze

JOSUA 3:5

Josua okwa lombwela vali oshiwana ndele ta ti: “Liyapuleni, osheshi mongula Omwene ta ka longa oikumwifa mokati keni.”

MATEUS 7:5

Omunaihelele ove, kufa mo tete endangalati meisho loye mwene, opo to mono nawa, nhumbi to kufa mo okambodi ke li meisho lamukweni.

JOSUA 7:11

Israel okwa nyona ndele a tauluka ehangano lange, eli nde li ninga navo, ndele okwa kufa yo moinima ya tokolelwa ehanauno ndele a vaka ndele meholeko e i tula moinima yaye.

JOSUA 6:18

Ndelenee lungameni shili mu kukume eshi sha yapulilwa ehanauno, muha hangike ketulomutima, ngeenge tamu kufa sha shomoinima ya yapulilwa okuhanaunwa po, nena otamu twala onhanda yaIsrael koshi yetulomutima ndele tamu i etele omupya.

2 OMAFIMBO 28:10

Ndele paife tamu diladila okuninga ovana vaJuda novaJerusalem ovapika veni ovalumenhu novakainhu. Kamu na nokuli mbela omanyonauno mahapu koshipala shOmwene Kalunga keni?

GENESIS 34:27

Ovana ovamati vaJakob va tondokela oonakudipawa ndele va tinha oshilando, osheshi venya ova li va fifa ohoni mumwaina.

DEUTERONOMION 13:6

“Omumwanyoko omulumenhu, omona woye omumati ile omona woye okakadona ile omwalikadi ou u mu hole, ile kaume koye, ou e li ngaashi omwenyo woye mwene, ngeenge ote ku hongaula meholeko, nde ta ti: ‘Tu ye tu ka longele oikalunga imwe’, ei inai shiivika kwoove nokooxo,