JOSUA 5:6 - Ombibeli Iyapuki

⁶ Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki.

JOSUA 5:6 Referans Kwoze

NUMERI 14:23

venya itava ka mona edu linya nde li udanekela ooxe nokwaana, heeno, aveshe ava va handukifa nge, itave ke li mona.

DEUTERONOMION 2:14

Ndele efimbo twa kala nokweenda okudja kuKades-Barnea fiyo okokamulonga kaSered, ola li omido omilongo nhatu nahetatu, fiyo epupi alishe lovakwaita vomonhanda la fya po, Omwene ngaashi e shi va anena.

OVAHEBERI 3:11

opo nee mehandu lange onda anene nda tya: ‘Ovo itava fiki metulumuko lange.’ ”

DEUTERONOMION 2:7

Osheshi Omwene Kalunga koye e ku nangeka noupuna moilonga aishe yomake oye. Ye okwa shiiva okweenda kwoye mombuwa ei inene. Omido omilongo nhee nokuli Omwene Kalunga koye a kala naave. Ove ino pumbwa nande osha.

DEUTERONOMION 1:3

Ndele mefiku lotete lohani onhimulongo momudo omutimilongo nhee, Moses okwa lombwela ovana vaIsrael adishe odo Omwene e mu lombwelele okupopya kuvo,

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

HESEKIEL 20:15

“Onghee hano Ame nde va yelulilile yo eke lange mombuwa, opo Ame ndihe va twale moshilongo osho shi yadi omashini nomaadi eenyiki, osho efimano mokati koilongo aishe.

JEREMIA 2:2

Inda u ka udifile momatwi aJerusalem u tye: Omwene ota ti ngaha: “Ame onda dimbulukwa ouwa wounyasha woye, nohole yoye, fimbo wa li omufuko omupe, eshi wa shikula nge mombuwa ihamu mene nande sha.

DEUTERONOMION 8:4

Oikutu yoye inai kulupa neemhadi doye inadi dinda momido odo omilongo nhee.

HESEKIEL 20:6

Mefiku tuu linya Ame nde va yelulila eke lange, ndi va pitife mo muEgipiti noku va twala koshilongo, nde shi va kongela, oshilongo shi yadi omashini nomaadi eenyiki, osho efimano mokati koilongo aishe.

EXODUS 3:17

Onghee hano onda tokola mwaame kutya: ‘Ame onda hala oku mu pitifa mo moudjuu womuEgipiti noku mu twala medu lOvakaanan nolOvaheti nolOvaamori nolOvaperesi nolOvahevi nolOvajebusi, moshilongo shi yadi omashini nomaadi eenyiki.’

JOEL 3:18

Ndele mefiku tuu olo eemhunda otadi fulukifa omaviinyu, moikulundudu tamu tondoka mo omashini. Ndele momilonga adishe domuJuda tamu ka kunguluka omeva. Nofifiya otai ka fuluka mongulu yOmwene, ndele tai tutike efilu laSittim.

NUMERI 26:63

Ovava va valwa kuMoses nokomupristeli Eliaser, ava va valula ovana vaIsrael momaluhaela aMoab puJordan monhele ya shaama naJeriko.

JOSUA 5:5

Osheshi ovanhu aveshe venya va dja mo, ova li va pita etanda. Ndelenee ovanhu aveshe ava va dalelwa mondjila mombuwa mokudja kwavo muEgipiti, inava pita etanda.

JOSUA 5:7

Ndelenee Ye okwa tula ovana vavo ovamati ponhele yavo. Ovo va pitifwa etanda kuJosua. Osheshi vo inava pitifwa etanda shaashi mondjila inava pita etanda.

OMAPSALOME 107:4

Okwa li va endaenda mofuka nomombuwa ihe na omalila, inava mona nande oshilando shokukala mo.

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 24:7

Ndelenee vo ova kuwa kOmwene ndele Ye okwa tula po omilaulu pokati keni nOvaegipiti nokwe va undulila mefuta, lo ole va tuvikila, nomesho eni vene a mona osho nde shi ningila Ovaegipiti. Opo nee mwa kala omafiku mahapu mombuwa.