JOSUA 24:22 - Ombibeli Iyapuki

²² Opo nee Josua okwa lombwela ovanhu ta ti: “Onye eendobwedi deni vene, nokutya nye vene mwe li hoololela Omwene mu mu longele.” Ndele vo tava ti: “Heeno, fye eendobwedi.”

JOSUA 24:22 Referans Kwoze

OMAPSALOME 119:173

Longekida eke loye, li kwafe nge, osheshi ame onda hoolola po omalombwelo oye.

OMAPSALOME 119:11

Ondjovo yoye onde i tuvikila momutima wange, ndiha nyone kwoove.

LUKAS 10:42

Ndelenee shimwe ashike sha pumbiwa. Maria okwe lihoololela ombinga iwa itai mu kufwa.”

JOB 15:6

Okanya koye mwene take ku tokola, haame. Heeno, omilungu doye mwene tadi ku pe oushima.

DEUTERONOMION 26:17

Onena eli ove wa uda Omwene Kalunga koye te ku udifile nokutya, Ye a hala okukala Kalunga koye, ndele ove u nokweenda nomalila aye nokudiinina eenghedimhango daye noipango yaye nomalombwelo aye nokupwilikina ondaka yaye.

LUKAS 19:22

Opo nee ye okwe mu lombwela: ‘Ohandi ku tokolifa okanya koye mwene, omupiya ove mwii. U shii nge ame omunhu mudjuu, handi kufa eshi inandi shi tuvikila, ndele handi teya osho inandi shi kuna,

JOSUA 24:21

Opo nee ovanhu va lombwela Josua: “Ahowe. Ndelenee fye ohatu ka longela Omwene.”