JOSUA 24:15 - Ombibeli Iyapuki

¹⁵ Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”

JOSUA 24:15 Referans Kwoze

1 EEHAMBA 18:21

Ndele Elia okwa ehena kovanhu aveshe ndele ta ti: “Fiyo onaini tamu tengaukile kombinga nombinga? Omwene ngeenge Oye Kalunga, mu shikuleni, ndelenee Baal ngeenge oye kalunga, mu shikuleni.” Ndelenee ovanhu inave mu nyamukula sha.

DEUTERONOMION 29:18

hano mokati keni muha kale omulumenhu ile omukainhu, epata ile oludi omutima walo tau liteeka nena eli kOmwene Kalunga ketu a ka ye okulongela oikalunga yoiwana, opo mokati keni muha mene nande omudi muwo tamu di oudiyo noshixwa shedimba lii.

HESEKIEL 20:39

Ndelenee akutu, oove eumbo laIsrael! Omwene Kalunga ta ti ngaha: “Indeni mu ka fimaneke oikalunga yeni, keshe umwe. Ndelenee mefimbo tali uya, oshilielela, nye otamu ka pwilikina nge, ndele itamu dini vali edina lange liyapuki nomayambo eni noikalunga yeni.

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.

EXODUS 23:24

Ino linyongamena moipafi yoikalunga yavo noino i longela, ino ninga ngaashi venya hava ningi, ndelenee i teya po sheke u teyaule po eengudimanya dayo.

OVATOKOLIPANGELI 6:10

Naame onde mu lombwela: ‘Aame Omwene Kalunga keni. Inamu tila oikalunga yOvaamori mu li moshilongo shavo. Ndelenee nye inamu pwilikina ondaka yange.’ ”

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

OMAPSALOME 101:2

Mokweenda kwange onda hala ndi diinine ouyuki. Akutu, onaini to uya kwaame? Meumbo lange onda hala ndi kale mo nomutima wa yela.

OMAPSALOME 119:106

Onda ana, ndele ohandi limangele mo, nokutya momayukifo oye mayuki ohandi anyene mo.

DEUTERONOMION 13:7

nokutya, oikalunga yoiwana ei tai mu dingilile moushiinda weni ile kokule; okudja komunghulo umwe wedu fiyo okomunghulo mukwao wedu,

EXODUS 34:15

Ino ninga ehangano noonakukala medu linya! Vo eshi tava shikula oikalunga yavo moluhaelo ndele tava yambele oikalunga yavo vo otave ku ifana ndele to li komayambo avo,

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

JOSUA 24:16

Opo nee ovanhu va nyamukula tava ti: “Nashi kale kokule nafye tu efe Omwene, opo tu longele oikalunga imwe.

DANIEL 3:18

ndelenee, ngeenge hasho, kala u shi shii, ohamba, fye itatu longele oikalunga yoye, noshitelekwafano oshingoldo eshi wa dika, fye itatu shi ilikana.”

MIKA 4:5

Osheshi oiwana aishe tai kala nokweenda, keshe shimwe, medina laKalunga kasho, ndelenee fye ohatu ka kala nokweenda medina lOmwene Kalunga ketu alushe fiyo alushe.

EXODUS 23:2

“Ino shikula ouhapu weemhunga u longe owii. Paihokolola ino liameka kouhapu weemhunga u hokolole okupengifa ouyuki.

LEVITIKUS 14:42

Opo nee ve nokukufa omamanya amwe noku a tula ponhele yomamanya enya nove nokukufa omunoko umwe va kolonge eumbo.

1 OMAFIMBO 1:14

nOvajebusi nOvaamori nOvagirgasi,