JOSUA 24:14 - Ombibeli Iyapuki

¹⁴ “Tileni hano paife Omwene noku mu longela mouyuki nomoshili ndele ekeleishi oikalunga ei ooxo va longela kombada yaEufrat nomuEgipiti, ndele longeleni Omwene.

JOSUA 24:14 Referans Kwoze

1 SAMUEL 12:24

Tileni ashike Omwene noku mu longela noudiinini nomutima weni aushe. Osheshi taleni oinima inene i fike peni Ye e mu ningila.

DEUTERONOMION 10:12

“Ndele paife Israel, Omwene Kalunga koye ote ku pula shike shimwe ngeno, ashike ove u kale nokutila Omwene Kalunga koye, u ende alushe neendjila daye, ndele u mu hole nokulongela Omwene Kalunga koye nomutima woye aushe nomwenyo woye aushe.

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

JOSUA 24:23

Okwa ti: “Ekeleishi hano paife oikalunga imwe ei mu i kwete, omitima deni di amekeni kOmwene Kalunga kaIsrael.”

OMAPSALOME 119:1

Ovanelao ovava, ve nondjila ya yuka, ndele tava ende pamhango yOmwene.

HESEKIEL 20:18

Ndelenee nda lombwela oludalo lavo mombuwa handi ti: Inamu kala nokweenda meenghedimhango dooxo, ndele inamu kala nokudiinina omalombwelo avo, ndele inamu linyateka noikalunga yavo.

OMAPSALOME 111:10

Okutila Omwene oko efina lounongondunge, aveshe ava tava kala mulo, otava nongopalelele; efimano laye ohali kala fiyo alushe.

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

ESRA 9:11

we i lombwela ovapiya voye ovaxunganeki, eshi wa tile: ‘Oshilongo osho tamu i mo mu ke shi nangale, osho oshilongo sha nyata, omolweenyata doiwana yomoilongo molwoilonga yavo ii, va yadifa nayo oshilongo okudja kongaba imwe fiyo okongaba ikwao neenyata davo.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

JOSUA 24:2

Opo nee Josua okwa lombwela oshiwana ashishe ndele ta ti: “Omwene Kalunga kaIsrael ta ti ngaha: ‘Ooxokulu, nosho yo Tera, xe yaAbraham naNahor, va kala nale kombada yomulonga waEufrat, ndele venya va longela oikalunga imwe.

DEUTERONOMION 18:13

Omwene Kalunga koye u noku mu diinina shili.

LEVITIKUS 17:7

Ndelenee vaha yambe vali omatomenoyambo avo keendemoni domofuka, odo ve di shikula mokuhaela kwavo. Oyo onghedimhango yaalushe kuvo nokomaludalo avo.

OILONGA YOVAYAPOSTOLI 9:31

Opo nee eongalo alishe lomuJudea ashishe nolomuGalilea nolomuSamaria ola li li nombili, ndele fimbo tali litungu mokweenda metilo lOmwene nomokupopilwa kOmhepo Iyapuki, ola hapupala.

LUKAS 8:15

Ndele odo domedu liwa ovovo tava kwatele eendjovo ve di uda momitima diwa dihe noihelele, ndele otava imi oiimati moudiinini.

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

HESEKIEL 23:3

Ndele vo ova haelwa muEgipiti mounyasha wavo vo va haelwa. Oko omavele avo a kamwa neenhulo davo doukadona da papatelwa.

OVAFILIPPI 1:10

mu shiive okutongola oinima ei iwa unene, mu kale fiyo okefiku laKristus mwa koshoka, nye muha limbilike nande omunhu,

OVAEFESO 6:24

Efilonghenda nali kale naaveshe ava ve hole Omwene wetu Jesus Kristus mokuhaxula po. Amen.

OMAPSALOME 130:4

Ndelenee pwoove ope nekufilo, opo u tilike.

OMAPSALOME 119:80

Diininifa omutima wange keenghedimhango doye, ame ndiha xutuke.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

1 SAMUEL 7:3

Ndelenee Samuel okwa popya neumbo alishe laIsrael ndele ta ti: “Nye ngeenge tamu alukile kOmwene nomutima weni aushe, efeni hano oikalunga yokoilongo nooAstarot mokati keni, nomitima deni di kanyatelifeni kOmwene, ndele Oye aeke mu longeleni. Opo nee Ye ote ke mu xupifa momake Ovafilisti.”

1 SAMUEL 12:14

Nye ngeenge tamu tila Omwene aeke, ndee tamu mu longele nokupwilikina ondaka yaye, ndele ihamu anye omhango yOmwene, ndele nye vene nohamba ei tai mu pangele, tamu shikula Omwene Kalunga keni aeke.

DEUTERONOMION 6:13

Ove u nokutila Omwene Kalunga koye noku mu kalela. U nokwaana medina laye.

OMAPSALOME 81:10

Aame Omwene Kalunga koye, ou nde ku tembula muEgipiti; akama unene okanya koye, Ame ndi ka yade.

MIKA 6:8

Omunhu ove, Ye okwe ku shiivifila eshi shiwa. Nashike shimwe Omwene ta pula kwoove kakele nokutya u ninge eshi sha yuka nokuhola efilonghenda nokweenda nelininipiko pamwe naKalunga koye?