JOSUA 24:12 - Ombibeli Iyapuki

¹² ndele nde mu tetekelifa omawashe, aa e va taataa komesho yeni, eehamba mbali dOvaamori, hakeongamukonda loye nouta woye.

JOSUA 24:12 Referans Kwoze

DEUTERONOMION 7:20

NOmwene Kalunga koye ota ka tuma mokati kavo omawashe fiyo ava va xupa po naavo ve ku hondama, va pwa po.

EXODUS 23:28

Nohandi ku tetekelifa omambodwe. Oo otaa ka taataa mo momesho oye Ovahevi nOvakaanan nOvaheti.

EXODUS 23:31

Neengaba doye ohandi ke di dika okudja kEfuta Litilyana fiyo okEfuta Lopokati nokombuwa fiyo okuEufrat. Osheshi oonakukalamo moshilongo ohandi va yandje meke leni, ndele nye otamu va taataa mo momesho eni.

OMAPSALOME 80:9

Ove owe u ningilile onhele yokutandavela kokule, u shiive okuninga omidi, ndele wa yadifa oshilongo;

NUMERI 21:31

Osho ngaha hano Ovaisraeli va nangala oshilongo shOvaamori.

NUMERI 21:32

Ndele Moses okwa tuma ko eendadi va ka lave Jaeser, ndele ove va ta ndele va nangala omikunda dasho; ndele ye okwa taataa mo meenhele davo Ovaamori venya va kala ko.

DEUTERONOMION 4:46

koushilo waJordan, mefilu la shaama naBet-Peor, moshilongo shaSihon, ohamba yOvaamori, ei ya kala muHesbon, oyo ya tewa kuMoses novana vaIsrael mokudja kwavo muEgipiti.

DEUTERONOMION 4:47

Ndele vo ova nangala oshilongo shaye noshilongo shaOg, ohamba yaBasan; eehamba odo mbali dOvaamori koushilo waJordan, langhele kepito letango,

DEUTERONOMION 31:4

NOmwene ngaashi a ningile Sihon naOg, eehamba dOvaamori noshilongo shado, odo Ye e di hanauna po.

JOSUA 2:10

osheshi fye twa uda nhumbi Omwene e mu pwiininifila omeva omEfuta Litilyana komesho yeni fimbo mwa dja mo muEgipiti, naashi mwe shi ningila eehamba mbali dOvaamori, Sihon naOg, kombada yaJordan, nye eshi mwe di hanauna po.

OMAPSALOME 80:10

eemhunda okwa li da tuvikilwa komudile wao, nomisederi daKalunga okeexulo doitai;

OMAPSALOME 135:11

Sihon, ohamba yOvaamori, naOg, ohamba yomuBasan, nomauhamba aeshe omuKaanan,