JOSUA 2:9 - Ombibeli Iyapuki

⁹ ndele ta ti kovalumenhu: “Ame ondi shi shii, Omwene okwa yandja kunye edu eli, ndele tu kwetiwe komahaluhalu omolweni, noonakukala moshilongo otave mu kakama;

JOSUA 2:9 Referans Kwoze

EXODUS 23:27

“Etilohaluko lange ohandi ke li mu tetekelifa ndele tali ka dundakanifa oshiwana keshe kusho to i. Ndele Ame ohandi ka ninga nokutya, ovatondadi voye aveshe otave ku i onhapo.

DEUTERONOMION 2:25

Onena Ame ohandi hovele okuhalwifa nokutilifa oiwana aishe yokoshi yeulu omolweni. Opo vo, eshi tava udu eenghundana tadi mu tongo, otava ka kakama nokudekweta moipafi yeni omolwokutila.’

JEREMIA 27:5

“Neenghono dange dinene nokwooko kwange kwa yeluka, Ame onda shita edu novanhu noifitukuti i li kombada yedu, nohandi li pe keshe tuu nda hala oku li mu pa.

OMUUDIFI 8:12

Osheshi omulunde ta nyono lwefele ndele ta kala nomwenyo efimbo lile. Ndelenee ondi shi shii ava hava tila Kalunga, otava ka ningilwa nawa, shaashi tava tila koshipala shaye,

OMAPSALOME 115:16

Eulu olo olOmwene, ndelenee edu okwe li pa ovana vovanhu.

OMAPSALOME 112:10

Omulunde ote shi mono, ndele tashi mu twifa ondubo; ota kwesha omayoo ndele ta xulu po; omahalelo ovadinikalunga ihaa wanifwa, taa kala ongaho.

JOB 19:25

Ndelenee ame ndi shi shii: omupopili wange e nomwenyo! Ndele xuuninwa ye ota ka kala ofika mondwi yedu!

JOSUA 2:11

Fye eshi twe shi uda, omutima wetu wa limbililwa, opo nee kape na vali nande umwe e nonyati oku mu lwifa. Osheshi Omwene Kalunga keni, Oye Kalunga komeulu pombada noposhi kombada yedu.

GENESIS 35:5

Ndele vo eshi va fikama, Kalunga okwa tumina oilando ye va dingilila ehaluko, opo venya vaha shikule ovana vaJakob.

MATEUS 20:15

Hamba nda kelelwa okulongifa oinima yange ngaashi ame mwene nda hala. Ile ou na efupa shaashi ame ndi na onghenda?’

NAHUM 2:10

Ofilu! Hamungaho! Ashishe sha hanaunwa po! Omutima tau hemuka, eengolo tadi tifauka. Moiya aishe omu nouyehame. Noipala yavo aishe ya pemba.

JESAJA 19:1

Okuxunganekwa kwaEgipiti. Tala, Omwene ota ende koshilemo shi nonhapo ndele te uya kuEgipiti. Noikalunga yomuEgipiti otai kakama koshipala shaye, nomutima waEgipiti tau diluka monhulo yasho.

2 EEHAMBA 7:6

Osheshi Omwene a udififa omatanga Ovaarami embuyaano lomatemba oita, nembuyaano leenghambe nembuyaano lomatanga ovakwaita vahapu. Onghee hano venya va lombwelafana, tava ti: “Taleni, ohamba yaIsrael ya futa eehamba dOvaheti neehamba dOvaegipiti di tu homone noku tu kwata.”

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

2 SAMUEL 17:10

Opo nee naau omuladielela e nomutima ngaashi wonghoshi ota ka tyololoka shili. Osheshi Ovaisraeli aveshe ve shi shii nokutya, xo omukwanyati omuladi novalumenhu ovakwanyati ve li puye.

OVATOKOLIPANGELI 7:14

Nomukwao okwa nyamukula ta ti: “oyo kai na shimwe, oyo eongamukonda laGideon yaJoas, Omuisraeli. Kalunga okwa yandja onhanda aishe meke laye.”

DEUTERONOMION 32:8

Ou wOkombadambada, eshi a tukulila oiwana oitukulwafyuululwa yavo, Ye eshi a tongola ovana vovanhu, opo nee Ye a taula eengaba doiwana, di fike pomuvalu wOvaisraeli.

DEUTERONOMION 28:10

Noiwana aishe yokombada yedu otai ka mona nokutya, edina lOmwene ola tumbala kombada yoye, ndele yo otai ke ku tila.

DEUTERONOMION 11:25

Nande umwe ta dulu okulipopila moipafi yeni. Omwene Kalunga keni ota ka tuma kombada yedu alishe mulo tamu ka ya, ehaluko netilo oku mu tila, ngaashi Ye e mu udanekela.

EXODUS 18:11

Paife ondi shi shii nokutya, Omwene omunene e dule oikalunga aishe. Eshi Ovaegipiti ve linenepeka.”

OVAHEBERI 11:31

Meitavelo ombwada Rahab ina hanaunwa po pamwe novanandubo eshi a idilila eendadi nombili.

NUMERI 20:14

Opo nee omo muKades Moses okwa tuma ko ovatumwa kohamba yaEdom: “Omumwanyoko Israel ta ti ngaha: Ove mwene wa shiiva omaudjuu aeshe e tu hanga.

NUMERI 20:24

“Aron na ongelwe mo, a ye kovakwanepata vaye, osheshi ye ite ke uya medu olo nde li pa ovana vaIsrael, shaashi nye mwa li mwa anya elombwelo lange pomeva aMeriba.

JOSUA 2:8

Ndele vo fimbo inava ka nangala, ye okwa londa kombada yongulu

JOSUA 2:24

Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”

JOSUA 9:9

Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti,

JOSUA 9:10

naashishe Ye e shi ningila eehamba odo mbali dOvaamori langhele kwinya yaJordan nokutya, Sihon, ohamba yaHesbon, naOg, ohamba yaBasan, ei ya li muAstarot.

JOSUA 9:24

Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi.

JESAJA 23:5

Ngeenge eshi sha udika muEgipiti, opo nee otava ka kakama mehaluko molwaashi sha ningwa muTirus.

JOSUA 5:1

Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.

JOSUA 6:2

Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye.

NEHEMIA 6:16

Novatondadi vetu aveshe eshi ve shi uda, noiwana aishe yomoushiinda ya tila ndele ye litala itai dulu sha vali, ndele ve shi dimbulukwa, nokutya oshilonga eshi sha longwa kuKalunga ketu.

ESTER 8:17

nomoitukulwalongo aishe nomoilando aishe omo oshipango shohamba nomhango yayo ya fika, omwa li ehafo nelao mokati kOvajuda, noitelekela nefiku loshivilo. Ndele vahapu vomovanhu va ninga Ovajuda, osheshi ehaluko molwOvajuda ve uya kombada yavo.