JOSUA 2:5 - Ombibeli Iyapuki

⁵ Ndele oshivelo shoshilando eshi shi nokwiidilwa po onguloshi, ovalumenhu ova dja mo. Ame nghi shii ovalumenhu apa va yuka. Va shikuleni diva, osheshi tamu ke va hanga.”

JOSUA 2:5 Referans Kwoze

EHOLOLO 21:25

Noivelo yasho itai idilwa nande omutenya, osheshi oufiku kau mo musho.

HESEKIEL 47:12

Ndele pomulonga pominghulo adishe mbali omiti di lili nadi lili tadi ka ima oiimati hai liwa. Omafo ado itaa ka lemba noiimati ihai kuka. Mohani keshe tadi ka ima oiimati ipe, osheshi omeva ado taa di motembeli. Noiimati yado tai ka liwa nomafo ado okuvelula.”

JEREMIA 50:20

Pomafiku enya nomefimbo tuu olo, Omwene ta ti, okunyona kwaIsrael otaku ka kongwa, ndelenee itaku ka monika vali, netimba laJuda kali wetike vali. Osheshi ohandi dimine po ovo handi va fili po oshixupe.

JESAJA 60:11

Ndele oivelo yoye otai kala alushe ya yeululwa, omutenya noufiku itai idilwa po, opo u etelwe oupuna woiwana, neehamba davo tadi uya kwoove tadi findikilwa.

NEHEMIA 13:19

Ndele naanaa etango eshi la toka moivelo yaJerusalem Eshabata fimbo inali hovela, ame nda tya oivelo i nokwiidilwa. Ndele nde va lombwela vehe i yeulule fimbo Eshabata inali pita. Ndele nda tula ovapiya vange poivelo; ofulaxa nande imwe inai etwa mo mefiku lEshabata.

JOSUA 2:7

Ovalumenhu ve va shikula nondjila yokuJordan fiyo okoshau. Ndele va idila po oshivelo, ovashikuli vavo eshi va dja mo.

JOSUA 2:4

Ndelenee omukainhu okwa kufa ovalumenhu ovo vavali nokwe va holeka. Ndele ye okwa tya: “Oshili, ovalumenhu ve uya kwaame, ndelenee inandi shiiva apa va dja.

JOSUA 2:6

Ndelenee ye okwe va londeka kombada yongulu nokwe va holeka koshi yomwiidi ou wa ongelwa konduda yaye.

1 SAMUEL 19:14

Saul eshi a tuma ovatumwa va ka tale Mikal kooDavid ta ti: “Ye ota vele.”