JOSUA 2:12 - Ombibeli Iyapuki

¹² Anenei nge hano paife kOmwene, ame eshi nde mu ningila ouwa, nanye yo tamu ka ningila eumbo lange ouwa. Pei nge edidiliko li shii okulineekelwa,

JOSUA 2:12 Referans Kwoze

JOSUA 2:18

fye ngeenge hatu uya moshilongo, ove u nokumangela pekende ongodi ei itilyana, we i tu kulukififa, ndele ove u nokwoongela pwoove mongulu yoye xo nanyoko, ovamwaxo novamwanyoko neumbo loye alishe.

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.

1 TIMOTEUS 5:8

Ndelenee ou iha file vakwao oshisho naunene ava vambulaye, ye okwe lidimbika eitavelo noku dulike kwaau ehe fi omwiitaveli.

OVAROMA 1:31

omalai, vehe shii kulineekelwa, vehe nohole, ovatondi vombili, vehenonghenda,

MARKUS 14:44

Ndele ou e mu kengelela, okwe va pa oshidimbulukifo ta ti: “Ou handi mu fipi komulungu, Oye ou, mu kwateni, nye mu ye naye mwe mu diinina.”

JEREMIA 12:16

Ndele ngeenge otave lilongo noudiinini okushiiva eendjila doshiwana shange ndele tava ane medina lange: Oshili, ngaashi Omwene e nomwenyo, ngaashi va longa oshiwana shange okwaana kuBaal, nena tava nangekwa moshiwana shange.

ESTER 8:6

Osheshi ohandi dulu ngahelipi okutala omupya ou tau ka hanga oshiwana shange? Ndele handi dulu ngahelipi okutala ehanauno loludi letu?”

2 OMAFIMBO 36:13

Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael.

1 SAMUEL 30:15

Ndele David te mu pula ta ti: “Ove to twala nge tuu kongudu oyo?” Ye ta ti: “Anene nge puKalunga nokutya, ito dipaa nge ndele ito yandje nge momake omwene wange. Opo nee ame ohandi ke ku twala kongudu oyo.”

JOSUA 9:15

Ndele Josua okwa panga ombili navo nokwa ninga ehangano navo, nokutya ye e va efa va kale nomwenyo. Novakulunhu veongalo ove shi va udanekela nokwaana.

JOSUA 2:13

nokutya nye otamu ka xupifa omwenyo watate nowameme nowovamwameme ovamati nowovamwameme oukadona naashishe shavo nokuxupifa eemwenyo detu mokufya.”

EXODUS 12:13

Ndelenee ohonde tai ka kala kunye edidiliko meengulu omu tamu kala: Ame ngeenge handi mono ohonde, Ame ohandi ka koya po. Nye itamu ka hangika koshiponga shokunyonwa po, fimbo Ame handi denge Ovaegipiti.

GENESIS 24:9

Opo nee omupiya okwa shitika eke laye koshi yetundji laAbraham, omwene waye, ndele okwe mu anena moshinima eshi.

GENESIS 24:3

onda hala u anene nge kOmwene Kalunga keulu nedu nokutya, ove uha kongele omumwange omwalikadi movana oukadona vOvakaanan ovo ndi li mokati kavo.

GENESIS 21:23

Anene nge hano paife apa medina laKalunga, ove uha kotokele nge nepata lange noludalo lange. Ngaashi ame nde ku ningila ouwa, ove ou na okuningila nge yo ouwa noshilongo omo u li omunailongo.”

GENESIS 40:14

Ndelenee dimbulukwe nge ngeenge ove wa kala nawa, u file nge onghenda u hepaulule nge kuFarao ndele pitife nge meumbo eli.

JOSUA 2:19

Keshe umwe ou ta piti mo moshivelo shongulu yoye, ohonde yaye nai kale kombada yaye, ndele fye katu netimba, ndelenee keshe umwe ou e li pwoove mongulu, ohonde yaye tai ka kala kombada yetu, ngeenge eke lomunhu tali mu kumu.

JOSUA 6:22

Ndele Josua okwa lombwela ovalumenhu venya vavali va lavele oshilongo ta ti: “Indeni meumbo lombwada ndele pitifeni mo omukainhu naaveshe ava ve li puye, ngaashi mwe mu anena.”

OVATOKOLIPANGELI 1:24

eendadi da mona omulumenhu umwe ta di mo moshilando ndele tadi mu lombwele: “Tu ulikila apa pa heva okupumina moshilando, opo hatu ku filonghenda.”