JOSUA 16:10 - Ombibeli Iyapuki

¹⁰ Ndelenee vo inava ta mo Ovakaanan, oonakukalamo muGeser. Osho ngaha hano Ovakaanan va kala mokati kOvaefraim fiyo onena eli. Ndelenee vo ova li ve nokulongela Ovaisraeli.

JOSUA 16:10 Referans Kwoze

OVATOKOLIPANGELI 1:29

Ndele Efraim ina taataa mo Ovakaanan, oonakukalamo muGeser. Onghee hano Ovakaanan va kala mokati kavo muGeser.

1 EEHAMBA 9:16

Farao, ohamba yaEgipiti, okwa fikama nokwa li a kwata Geser, nokwe shi xwika po nomundilo, nokwa dipaa Ovakaanan ava va kala moshilando, nokwe shi yandja oshali komona waye okakadona, omwalikadi waSalomo.

JOSUA 17:13

Ndelenee ovana vaIsrael eshi va mona eenghono, ova fininika Ovakaanan oku va longela, ndelenee inave va taataa mo sheke.

1 EEHAMBA 9:21

vavo ava va fyaala moshilongo, ava Ovaisraeli va nyengwa okudipaa, ovo tuu ovo Salomo okwa fininika okulonga, fiyo efiku eli lonena.

JOSUA 15:63

Ndelenee ovana vaJuda va nyengwa okuta mo Ovajebusi, oonakukalamo muJerusalem. Onghee hano Ovajebusi va kala pamwe novana vaJuda muJerusalem fiyo onena eli.

JOSUA 10:33

Opo nee Horam, ohamba yaGeser, okwa ya a ka kwafe Lakis, ndelenee Josua okwe mu ta novanhu vaye fiyo inapa kala nande umwe womuvo a ya onhapo.

JOSUA 16:9

Noilando aishe ovana vaEfraim ve i tukulilwa moshitukulwafyuululwa shovana vaManasse oilando aishe pamwe nomikunda dayo.

JOSUA 17:12

Ndelenee ovana vaManasse va nyengwa okunangala oilando oyo, nOvakaanan va mona ngaha omhito okukala moshilongo osho.

1 EEHAMBA 9:15

Oilonga yefendelo yovalongi ava va fininikwa kohamba Salomo ve uya okutunga ongulu yOmwene nongulu yaye naMillo nohotekuma yaJerusalem naHasor naMegiddo naGeser oya li ngaha.

2 OMAFIMBO 8:8

movana vavo, ovo va xupa po moshilongo, ovo inava dipawa kovana vaIsrael, ovo tuu ovo Salomo okwe va tula moilonga yoshilongo fiyo onena eli.