JOSUA 15:4 - Ombibeli Iyapuki

⁴ opo tau ende langhele lwokuAsmon ndele tau i kokamulonga kaEgipiti, opo omufinda wongaba tau xulile mEfuta Lopokati. Oo hano tau ka ninga ongaba yavo yokoumbuwanhu.

JOSUA 15:4 Referans Kwoze

NUMERI 34:5

Ongaba tai dingunuka okudja kuAsmon fiyo okokamulonga kaEgipiti ndee tai xulile mEfuta Lopokati.

JOSUA 13:3

nedu alishe laAvvim koumbuwanhu. (Edu alishe okudja kuSihor i li koushilo waEgipiti fiyo okongaba yaEkron langhele koumbangalanhu, olo tali valelwa kedu lOvakaanan nokutya, eehamba nhano dOvafilisti: oyo yaGasa naayo yaAsdod, oyo yaAskelon, oyo yaGat naayo yaEkron) nosho yo Ovaavvim

EXODUS 23:31

Neengaba doye ohandi ke di dika okudja kEfuta Litilyana fiyo okEfuta Lopokati nokombuwa fiyo okuEufrat. Osheshi oonakukalamo moshilongo ohandi va yandje meke leni, ndele nye otamu va taataa mo momesho eni.

GENESIS 15:18

Mefiku tuu olo Omwene okwa ninga ehangano naAbram, ndele ta ti: “Koludalo loye Ame ohandi li pe edu eli, okudja komulonga waEgipiti fiyo okomulonga munene, omulonga waEufrat,

JOSUA 15:3

ndele tau ende langhele lwokoumbuwanhu woshikulundudu shaAkrabim, ndele tau ende langhele lwokuSin ndele tau litumbu kombinga yaumbuwanhu yaKades-Barnea, tau i kuHesron, tau litumbu kuAddar ndele tau ngolyokele kuKarka;

JOSUA 15:47

Asdod noipangelwa yasho nomikunda dasho. Gasa noipangelwa yasho nomikunda dasho fiyo okokamulonga kaEgipiti nEfuta Lopokati nomunghulo walo.

1 EEHAMBA 8:65

Osho ngaha hano mefimbo olo Salomo nOvaisraeli aveshe pamwe naye, va dana oshivilo, oshiongalele shinene sha ongala okudja komhito tai twala kuHamat fiyo okokamulonga kaEgipiti, koshipala shOmwene Kalunga ketu omafiku aheyali.

JESAJA 27:12

Ndele mefiku tuu olo, Omwene ota ka shopola oiimati okudja komulonga waEufrat fiyo okokamulonga kaEgipiti; akutu nye Ovaisraeli, otamu ka toolwa umwe naumwe.