JOSUA 14:6 - Ombibeli Iyapuki

⁶ Opo nee ovana vaJuda ve uya koshipala shaJosua muGilgal, ndele Kaleb yaJefunne, Omukenisi, okwe mu lombwela: “Ondjovo oyo Omwene e i lombwela Moses, omulumenhu waKalunga, a tonga omolwange nomolwoye yo muKades-Barnea, ou i shii.

JOSUA 14:6 Referans Kwoze

NUMERI 14:30

Oshili, nye itamu ka ya medu olo nde li mu udanekela nokwaana nye mu li nangale, Kaleb yaJefunne oye aeke naJosua yaNun.

NUMERI 14:24

Ndelenee omupiya wange Kaleb, osheshi muye omwa li omhepo imwe ndele ye a shikula nge nomwenyo aushe, ye ohandi ke mu twala medu linya, a ile mo noludalo laye tali ke li nangala.

NUMERI 13:6

Mepata laJuda: Kaleb yaJefunne.

JOSUA 14:14

Osho ngaha hano Hebron sha ninga oshitukulwafyuululwa shaKaleb yaJefunne, Omukenisi, ngaashi shi li nonena, osheshi ye okwa li a diinina mokushikula Omwene Kalunga kaIsrael.

NUMERI 14:6

Ndele Josua yaNun naKaleb yaJefunne, vavali ava va ile okulava edu, ova pombaula oikutu yavo,

JOSUA 15:17

Opo nee Otniel yaKenas, ondenge yaKaleb okwe shi nangala. Ndele ye okwe mu pa omona waye okakadona Aksa a ninge omwalikadi waye.

NUMERI 32:12

kakele kaKaleb yaJefunne, Omukenisi, naJosua yaNun. Osheshi ovo va dulika kOmwene nomutima aushe.’

NUMERI 13:26

Ndele ova enda ndele va fika kuMoses naAron nokeongalo alishe lovana vaIsrael mombuwa yaParan muKades. Ndele vo ova hepaululila eongalo alishe eenghundana, ndele vo ve va ulikila oiimati yoshilongo shinya.

OMAPSALOME 90:1

Omwene, Oove u li po ehondameno letu okudja koludalo noludalo.

2 TIMOTEUS 3:17

omunhu womuKalunga opo a kale a wana nokwa wanenena oshilonga keshe shiwa.

1 TIMOTEUS 6:11

Ndelenee oove, omunhu waKalunga, inda onhapo oinima ya tya ngaha, lalakanena ouyuki netilokalunga neitavelo nohole nelididimiko noutalanheni.

2 EEHAMBA 8:11

Nokwe mu tongolola moshipala shaye fiyo winya a fya ohoni, nomulumenhu waKalunga ta lili.

2 EEHAMBA 8:7

Ndele Elisa okwe uya kuDamaskus, fimbo Benhadad, ohamba yaAram, tai vele. Ndele ve i shiivifila tava ti: “Omulumenhu waKalunga okwe uya.”

2 EEHAMBA 4:42

Nomulumenhu umwe womuBaal-Salisa e uya ndele ta etele omulumenhu waKalunga omingome doilya ipe; omingome omilongo mbali domufimbaxwa, noilya ya fengwa moshimbaba, ndele Elisa ta ti: “Yandja kovanhu va lye!”

2 EEHAMBA 4:16

Elisa ta ti: “Mefimbo tuu eli momudo tau uya, ove to ukata okaana okamati mekolo.” Ndele ye ta nyamukula: “Ahowe, omwene wange, omulumenhu waKalunga, ino fufya omupiya woye omukainhu!”

2 EEHAMBA 4:9

Ndele ye okwa lombwela omulumenhu waye: “Tala, ame nda dimbulukwa omulumenhu ou ta ende po pufye luhapu, ye omulumenhu waKalunga.

1 EEHAMBA 13:14

Nokwa shikula omulumenhu nokwe mu hanga e li omutumba momwandi. Ndele ta ti kuye: “Oove tuu omulumenhu ou waKalunga ou a dile kuJuda?” Ndele winya ta nyamukula: “Heeno.”

1 EEHAMBA 13:1

Palombwelo lOmwene omulumenhu waKalunga, a dja kuJuda, e uya kuBetel pefimbo olo Jerobeam a kala ofika poaltari, ndele ta twimine.

JOSUA 10:43

Opo nee Josua nOvaisraeli pamwe naye ova shuna konhanda kuGilgal.

JOSUA 4:19

Ndele mefiku etimulongo lohani yotete ovanhu ova dja mo muJordan, ndele va onga onhanda muGilgal pongaba yaJeriko yokoushilo.

DEUTERONOMION 34:10

Ndele muIsrael inamu holokela nande omuxunganeki umwe ngaashi Moses, ou a endafana nOmwene koshipala noshipala,

DEUTERONOMION 34:5

Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela.

DEUTERONOMION 33:1

Ndele enangeko noupuna laMoses, omulumenhu waKalunga, a nangeka nalo ovana vaIsrael noupuna fimbo ina fya, oleli:

NUMERI 13:30

Opo nee Kaleb a hetekela okungungumaneka oshiwana sha li shi nondubo naMoses, ndee ta ti: “Natu yeni ko tu li nangale; osheshi fye ohatu li dulu shili.”

NUMERI 26:65

Osheshi Omwene okwe va tongele: Vo ve nokufila mombuwa. Ndele muvo inamu fyaala nande umwe, Kaleb yaJefunne naJosua yaNun, ovo aveke.

JEREMIA 35:4

ndele ame onde va twala kotembeli yOmwene omedimo lovana vaHanan yaJigdalja, omulumenhu waKalunga, edimo la shaama nedimo lovakulunhu, kombada yedimo laMaasea yaSallum, omukeleli woposhivelo.

1 OMAFIMBO 23:14

Ndele ovana ovamati vaMoses, omulumenhu waKalunga, ova valelwa mepata laLevi.