JOSUA 12:8 - Ombibeli Iyapuki

⁸ Oshitukulwa eshi osha kwatela mo edu lokeemhunda oikulundudu yopopepi nado kouninginino, olufilu laJordan noikulundudu yopopepi nalo, omafilukila okoushilo nedu lokoumbuwanhu oko ihaku lokwa. Edu eli ola li lOvaheti, lOvaamori, lOvakaanan, lOvaperesi, lOvahevi nolOvajebusi. Ovaisraeli ova finda eehamba doilando ei:

JOSUA 12:8 Referans Kwoze

JOSUA 11:16

Osho ngaha hano Josua okwa nangala edu olo alishe: eemhunda noshilongo ashishe shokoumbuwanhu nedu alishe laGosen nepumbu nEfuta Loluhaela neemhunda daIsrael nepumbu lado.

JOSUA 10:40

Osho ngaha hano Josua okwa nangala oshilongo ashishe, edu leemhunda noshilongo shoumbangalanhu, epumbu neenhele dopopepi neemhunda, neehamba adishe dado. Kapa li nande umwe a xupa a ya onhapo. Ndele keshe eshi shi nomufudo ye okwe shi yapulila ehanauno, Omwene Kalunga kaIsrael ngaashi e va lombwela.

JOSUA 9:1

Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda,

DEUTERONOMION 9:1

“Pwilikina, Israel, paife oto ka tauluka Jordan, u taatae oiwana inene noi neenghono i ku dule, nokunangala oilando inene oyo ya pamekwa neehotekuma da twa fiyo okeulu,

DEUTERONOMION 7:1

“Omwene Kalunga koye ngeenge te ku twala medu omo to i u ke li nangele ndele Ye ota taataa komesho yoye oiwana ihapu: Ovaheti nOvagirgasi nOvaamori nOvakaanan nOvaperesi nOvahevi nOvajebusi, oiwana iheyali, i ku dule mouhapu nomeenghono,

EXODUS 23:23

Osheshi omweengeli wange te ke mu kwatela komesho ndele te mu twala kOvaamori nokOvaheti nOvaperesi nokOvakaanan nokOvahevi nokOvajebusi. Ndele Ame ohandi ke va hanauna po.

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

GENESIS 10:17

nOvahevi nOvaarki nOvasini

GENESIS 12:9

Ndele Abram okwa enda nokweehena kedu lokoumbuwanhu.

GENESIS 13:7

Ndele opa holoka eemhata pokati kovafita vaAbram novafita vaLot. Pefimbo linya Ovakaanan nOvaperesi ova li yo moshilongo omo.

JOSUA 3:10

Josua okwa tya vali: Opo tuu opo nye otamu ka shiiva nokutya, Kalunga omunamwenyo e li mokati keni eshi Ye ta ka taataa shilishili komesho yeni Ovakaanan nOvaheti nOvahevi nOvaperesi nOvagirgasi nOvaamori nOvajebusi.

OVATOKOLIPANGELI 1:9

Ndele konima ovana vaJuda va fikama va ka lwife Ovakaanan, ava va kala keemhunda, nomoshilongo shoumbangalanhu nomedu la lalakana.