JOSUA 11:5 - Ombibeli Iyapuki

⁵ Neehamba adishe odo de lipa oshilaye di ongale kumwe ndele da onga onhanda pomeva aMerom opo di lwife Ovaisraeli.

JOSUA 11:5 Referans Kwoze

EHOLOLO 16:14

osheshi odo eemhepo deendemoni hadi ningi omadidiliko, ndele tadi i keehamba dounyuni aushe oku di shivila oita mefiku linene laKalunga omunamapangelo aeshe.

JESAJA 8:9

Oiwana nye, handukeni nokundumbakana, ndele nye otamu ka hanaunwa po. Pwilikineni, onye eenhele adishe dokokule dedu! Lilongekideni, ndele otamu ka hanaunwa po, lilongekideni, ndele otamu ka hanaunwa po.

OMAPSALOME 3:1

Omwene, ongahelipi ovatondi vange va hapupala! Vahapu va fikamena nge!

JOSUA 11:4

Opo nee do oda fikama nomatanga ado aeshe ovakwaita pamwe nado, ovanhu vahapu ve fike pedu lokomunghulo wefuta pamwe neenghambe dihapu nomatemba oita.

JOSUA 11:6

Opo nee Omwene okwa lombwela Josua: “Ino va tila, osheshi mongula mefimbo tuu eli Ame ohandi ke va taataa aveshe noku va yandja kOvaisraeli. Nye mu nokuteta omifipa deemhando deenghambe davo nokuxwika po omatemba avo nomundilo.”

JOSUA 9:2

ova ongala kumwe va ka lwife Josua naIsrael ngaashi omulumenhu umwe.

2 SAMUEL 10:15

Ovaarami eshi va mona nokutya, Ovaisraeli e va taataa, ova ongala aveshe kumwe.

OMAPSALOME 48:5

Ndele eshi de i mona, da kumwa nokuhaluka ndele tadi i onhapo.