JOSUA 11:4 - Ombibeli Iyapuki

⁴ Opo nee do oda fikama nomatanga ado aeshe ovakwaita pamwe nado, ovanhu vahapu ve fike pedu lokomunghulo wefuta pamwe neenghambe dihapu nomatemba oita.

JOSUA 11:4 Referans Kwoze

OVATOKOLIPANGELI 7:12

NOvamidian nOvaamaleki novanhu aveshe vokoushilo va nangala monhanda ngaashi ouhapu woshipaxu neengamelo davo da li dihapu da nyengwa okuvalwa ngaashi edu momunghulo wefuta.

1 SAMUEL 13:5

Ndele Ovafilisti va ongala va lwife Ovaisraeli. Omatemba oita omayovi atatu novalondi veenghambe, omayovi ahamano novaendi vokolupadi vahapu ve fike peheke pomunghulo wefuta. Vo ove uya ndele va onga onhanda puMikmas, koushilo waBet-Aven.

GENESIS 32:12

Oove mwene wa tile: ‘Oshili Ame ohandi ke ku ningila ouwa nokuhapupalifa oludalo loye li fike pefuta, lo itali dulu okuvalwa molwouhapu walo.’ ”

GENESIS 22:17

ohandi ke ku nangeka noupuna unene noludalo loye ohandi li hapupalifa unene ngaashi eenyofi dokeulu nongaashi eheke pomunghulo wefuta. Noludalo loye otali ka nangala moivelo yovanaita nalo.

1 EEHAMBA 4:20

Ovajuda nOvaisraeli va li vahapu ngaashi eheke li li komunghulo wefuta. Ova lya, va nwa ndele va hafa.

2 SAMUEL 17:11

Ndelenee ame ohandi ku pe eendunge, handi ti: Ifana Ovaisraeli aveshe okudja kuDan fiyo okuBerseba va ongale pwoove, vo aveshe ngaashi eheke pomunghulo wefuta. Naave yo mwene u nokuya molwoodi.

JOSUA 11:5

Neehamba adishe odo de lipa oshilaye di ongale kumwe ndele da onga onhanda pomeva aMerom opo di lwife Ovaisraeli.

OMAPSALOME 20:8

Vo kave na apa tava kwatelele, ndele tava natwa po, ndelenee fye otu li ofika, itatu tengauka vali.