JOSUA 11:23 - Ombibeli Iyapuki

²³ Osho ngaha hano Josua okwa nangala edu alishe ngaashi Omwene lombwela Moses. Ndele Josua okwe li yandja kOvaisraeli efyuululo keshe epata oshitukulwa shalo. Nedu ola tulumukwa koita.

JOSUA 11:23 Referans Kwoze

OMAPSALOME 46:9

Ou ta xulifa po oita fiyo okeengaba dedu, ndele ta teyaula omauta nomaonga, nomatemba oita te a xwike po nomundilo.

JOSUA 23:1

Eshi pa pita efimbo lile Omwene eshi a pa Israel etulumuko kovatondadi vaye aveshe keembinga adishe, ndele Josua okwa kulupa nomafiku aye a ninga mahapu,

JOSUA 22:4

Ndelenee paife Omwene Kalunga keni a pa ovamwanyoko etulumuko ngaashi Ye e va udanekela. Hano shuneni mu ye komatwali eni koshilongo mwe shi pewa kuMoses, omupiya waKalunga, kombada yaJordan.

JOSUA 18:10

Opo nee Josua okwe va hoololela oihoololwatukulwa muSilo koshipala shOmwene. Ndele oko Josua okwa tukulila oshilongo kovana vaIsrael paitukulwa yavo.

JOSUA 11:18

Josua okwa lwifa eehamba edi efimbo lile. Neehamba dayo adishe okwe di kwata nokwe di dipaa.

DEUTERONOMION 25:19

Onghee hano Omwene Kalunga koye, ngeenge te ku pe etulumuko kovanaita voye aveshe tava dingilile oshilongo, Omwene Kalunga koye te shi ku pe efyuululo, edimbulukifo laAmalek u li kombe po kombada yedu. Ino shi dimbwa.

DEUTERONOMION 1:38

Josua yaNun, ou ta kala moipafi yoye, ye ota ka ya mo. Mu pameka, osheshi ye ota ka tukulila Israel edu lefyuululo.’

EXODUS 34:11

Diinina odo Ame nde di ku lombwela nena eli. Tala, Ame ohandi ku tele po Ovaamori nOvakaanan nOvaheti nOvaperesi nOvahevi nOvajebusi.

NEHEMIA 9:24

Novana va ya mo ndele va nangala oshilongo noonakukalamo moshilongo, Ovakaanan, we va taataa komesho yavo, ndele we va yandja meke lavo, neehamba davo ngaashi yo ovanhu voilongo, ve va ningile ngaashi va hala.

HESEKIEL 45:8

Oyo oyayo vene muIsrael, neehamba dange itadi ka fininika vali ovanhu vange, ndelenee oshixupe shoshilongo vo ve noku shi pa eumbo laIsrael pakuvalwa kwomapata.

JOSUA 12:7

Neehamba odo domoilongo, Josua novana vaIsrael ve di denga kombinga ei yaJordan, langhele lwokouninginino, okudja kuBaal-Gad medu la lalakana laLibanon fiyo okOmhunda yaHalak, koumbuwanhu popepi naEdom. Ndele Josua okwe li tukulila omapata aIsrael pamapata avo, va kale mo alushe.