JOSUA 10:39 - Ombibeli Iyapuki

³⁹ Nokwe shi ta pamwe nohamba yasho noilando aishe yasho. Ndele vo ove va dipaa neongamukonda, neemwenyo adishe da li mo ve di yapulila ehanauno. Inapa xupa nande umwe a ya onhapo. Ngaashi a ningila Hebron, osho a ningila yo Debir nohamba yasho ngaashi a ningila Libna nohamba yasho.

JOSUA 10:39 Referans Kwoze

OBADJA 1:18

Opo nee eumbo laJakob otali ka kala omundilo, neumbo laJosef otali ka kala elaka lomundilo, ndelenee eumbo laEsau oshihati, ndele vo otava ka tema noku shi lungwinifa po, opo paha kale vali oshixupe shomeumbo laEsau. Osheshi Omwene e shi popya.

2 EEHAMBA 10:11

Opo nee Jehu a dipaa aveshe vomepata laAhab la xupa la li muJisreel, novanenenhu aveshe vaye novalineekelwa vaye novapristeli vaye, fiyo inapa xupa nande umwe ou a xupifwa.

JOSUA 11:8

NOmwene okwe va yandja momake Ovaisraeli, opo vo ove va ta noku va shikula fiyo okuSidon-Shinene nofiyo okuMisrefot-Maim nofiyo okoluhaela laMispa shomoushilo, ndele vo ve va dipaa fiyo inapa xupa nande umwe womuvo.

JOSUA 10:40

Osho ngaha hano Josua okwa nangala oshilongo ashishe, edu leemhunda noshilongo shoumbangalanhu, epumbu neenhele dopopepi neemhunda, neehamba adishe dado. Kapa li nande umwe a xupa a ya onhapo. Ndele keshe eshi shi nomufudo ye okwe shi yapulila ehanauno, Omwene Kalunga kaIsrael ngaashi e va lombwela.

JOSUA 10:37

Ndele ve shi ta ndele va dipaa neongamukonda ohamba yasho noonakukalamo moilando yasho aishe, neemwenyo adishe da li mo. Inapa xupa nande umwe a ya onhapo, naanaa ngaashi a ningila Eglon. Ndele va hanauna oshilando novanhu aveshe vasho.

JOSUA 10:33

Opo nee Horam, ohamba yaGeser, okwa ya a ka kwafe Lakis, ndelenee Josua okwe mu ta novanhu vaye fiyo inapa kala nande umwe womuvo a ya onhapo.

DEUTERONOMION 3:3

NOmwene Kalunga ketu okwa yandja momake etu Og, ohamba yaBasan nomatanga aye aeshe, fye twe mu taataa fiyo inapa xupa nande umwe womuvo.

JOSUA 10:38

Opo nee Josua pamwe nOvaisraeli aveshe naye va dja po va ya kuDebir, ve ke shi homone.

JOSUA 12:13

Debir, Geder,

1 SAMUEL 15:3

Inda hano paife u ka taatae Ovaamaleki ndele mu nokuhanauna po ashishe ve shi kwete. Ndele ino va fila onghenda, ndelenee u nokudipaa omulumenhu nomukainhu, okaana nokahanana, ongobe nodi, ongamelo nondongi.”

1 SAMUEL 15:8

Ndele ye okwa kwata Agag, ohamba yOvaamaleki, ndele ovanhu aveshe e va dipaa po keongamukonda.