JOSUA 10:11 - Ombibeli Iyapuki

¹¹ Ndele vo eshi va ya onhapo Ovaisraeli fimbo va li pefina lomhunda yaBet-Horon, Omwene okwa ufila kombada yavo omamanya eemhawe a dja keulu ondjila aishe fiyo okuAseka, opo vo va fya. Ava va dipawa keemhawe ova li vahapu ve dule ava va dipawa keongamukonda lOvaisraeli.

JOSUA 10:11 Referans Kwoze

JESAJA 28:2

Tala, okOmwene taku di umwe, omunaenghono e nepangelo, ngaashi oshikungulu sheemhawe nomhepo yehanauno. Ngaashi oshikungulu shinene shi neenghono nomeva efundja taa kunguluka, osho ta tileshi poshi neenghono.

OVATOKOLIPANGELI 5:20

Eenyofi dokeulu da lwifa, meendjila dado da lwifa Sisera.

EHOLOLO 16:21

Neemhawe dinene, keshe imwe oi na oudjuu u fike peekilograma omilongo nhano, da wa meulu da wila kombada yovanhu, ndele ovanhu ova sheka Kalunga omolwehepeko leemhawe, osheshi ehepeko ola li linene unene.

EHOLOLO 11:19

Ndele otembeli yaKalunga yomeulu ya yeuluka, noshikefa shaye shehangano osha monika motembeli yaye, nokwa li omaluvadi neendaka nomangungumo nekakamo ledu neemhawe dinene.

HESEKIEL 13:11

Lombwela venya hava kolongifa nokalka, nokutya otaka ka natuka ko! Odula inene yetilashi tai ke uya, ndele nye eemhawe, tamu ka wila poshi noshikungulu tashi ka pauka.

JESAJA 30:30

Ndele Omwene ota udikifa ondaka yaye i yadi oshingepangelo, ta monikifa okwooko kwaye taku kuluka noupyuhandu nomutemo womundilo tau xwike po pamwe nokafudaela noshikungulu sheemhawe.

OMAPSALOME 11:6

Ovahenakalunga ote ke va lokifila omakala omundilo nosulfuri; nomhepo ya hanya otai ka ninga oshitukulwa sheholo lavo.

GENESIS 19:24

Ndele Omwene okwa lokifila Sodom naGomorra osulfuri nomundilo wa dja kuye meulu,

JOB 38:22

“Wa ile ko komalimba eandu? Ndele wa mona ko tuu omalimba eemhawe?

DEUTERONOMION 20:4

Osheshi Omwene Kalunga keni, ota ka ya pamwe nanye okulwifa ovatondadi veni, opo e mu pe efindano.’

2 SAMUEL 18:8

Ndelenee olwoodi la tandavela medu linya alishe, nomuulu wa lya ovanhu vahapu ve dule ovo va dipawa keongamukonda.

JOB 38:23

Odo nde di tuvikilila efimbo loudjuu, efiku lolwoodi noloita?

OMAPSALOME 147:17

eemhawe ote di kupula pedu da fa outandu. Olyelye te lididimikile meandu laye?

JESAJA 28:21

Osheshi Omwene ota ka fikama ngaashi komhunda yaPerasim, opo Ye ota ka handuka ngaashi mefiku laGibeon, opo a longe oshilonga shaye, oshilonga shaye shikumwifa! Ye a wanife oshilonga shaye, oshilonga shaye inashi monika nale!