JOHANNES 1:1 - Ombibeli Iyapuki

¹ Pehovelo opa li Ondjovo, nOndjovo oya kala puKalunga, nOndjovo ei oya li Kalunga.

JOHANNES 1:1 Referans Kwoze

GENESIS 1:1

Pehovelo Kalunga okwa shita eulu nedu.

JOHANNES 17:5

Ndele paife Tate, fimanekife nge pwoove mwene nefimano olo, nda li ndi li kwete, eshi nda kala pwoove, ounyuni fimbo inau shitwa.

EHOLOLO 19:13

Nokwa djala oshikutu sha yavwa mohonde, nokwa lukwa edina: “Ondjovo yaKalunga.”

OVAKOLOSSI 1:17

ndele Oye wotete kwaaishe, nomuye aishe oya pamenena mo.

JOHANNES 1:14

Nondjovo ya ninga omunhu. Ye okwa kala mokati ketu, ndele fye twa tala oshinge shaye, oshinge tuu osho shEwifa laxe, okwa yada efilonghenda noshili.

EHOLOLO 22:13

Aame Alfa naOmega, ou wotete nowaxuuninwa, ehovelo nexulilo.”

JOHANNES 1:2

Oye okwa kala pehovelo puKalunga.

EHOLOLO 1:8

“Aame Alfa naOmega,” nokutya, ehovelo nexulilo, Omwene Kalunga osho ta ti, Oye ou e li ko nokwa li ko ndele te uya, omunamapangelo aeshe.

OVAFILIPPI 2:6

Oye nande olupe laKalunga, Oye ina hakana a kale a fa Kalunga,

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

MATEUS 1:23

“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.

EHOLOLO 21:6

Ye okwa tya kwaame: “Sha wanifwa. Aame Alfa naOmega, ehovelo nexulilo, ou ta fi enota, ohandi mu pe a nwe oshali mofifiya yomeva omwenyo.

OVAHEBERI 13:8

Jesus Kristus Oye tuu ou onghela nonena nofiyo alushe.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

1 JOHANNES 5:20

Ndele otu shi shii yo, Omona waKalunga okwe uya mo nokwe tu pa ondunge okushiiva Omunashili; omo tu li mOmunashili, mOmona waye Jesus Kristus. Oye Kalunga omunashili nomwenyo waalushe.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

JOHANNES 16:28

Ame onda dile kuTate, ndele onde uya mounyuni. Ounyuni ohandi u fii po vali, ndele handi i kuTate.”

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,

JOHANNES 20:28

Ndele Tomas okwe mu nyamukula, ta ti: “Omwene wange naKalunga kange.”

TITUS 2:13

mokuteelela kwetu ewanifo leteelelo lelao neholoko loshinge shaKalunga omunene nolOmukulili wetu Jesus Kristus,

OVAHEBERI 7:3

ou ehe na nande xe ile ina ile epata, ke nexulilo lokukala kwaye ile ehovelo lomafiku aye, ndele e shii okuyelekwa nOmona waKalunga, Oye ta kala omupristeli alushelushe.

EHOLOLO 3:14

“Nomweengeli weongalo lokuLaodikea mu shangela: ‘Ou Amen, omuhepaululi omudiinini nomunashili, efina leshito laKalunga, Oye ota ti ngaha:

OVAEFESO 3:9

nokuhololela aveshe epangelo loshiholekwa eshi sha li sha holekwa muKalunga, Omushiti waaishe, okudja momafimbo ounyuni onale,

EHOLOLO 1:2

Johannes ota hepaulula ondjovo yaKalunga nehepaululo laJesus Kristus, naaishe oyo e i mona.

1 JOHANNES 5:7

NOmhepo Oye tuu te mu hepaulula, osheshi Omhepo Oye oshili.

OVAROMA 9:5

ooxekulu, omuvo mwa dja Kristus pambelela, Oye ou e li kombada yaaveshe, Kalunga, Omufimanekwa alushe fiyo alushe! Amen!

JOHANNES 1:18

Kape na ou a mona Kalunga nande; Ewifa olo la kala mekolo laXe, olo le mu holola.

OMAPSALOME 45:6

Olukalwapangelo loye, Kalunga, otali kala po fiyo alushe nodibo yoye youhamba oyo odibo youyuki.

EHOLOLO 2:8

“Nomweengeli weongalo lokuSmirna mu shangela: ‘Ou omutete nomuxuuninwa, ou a li a fya ndele a ninga omunamwenyo, ota ti ngaha:

2 PETRUS 1:1

Simeon Petrus, omupiya nomuyapostoli waJesus Kristus, okwaavo va mona eitavelo li nondilo li fike puletu omouyuki waKalunga ketu nowOmukulili Jesus Kristus.

EHOLOLO 1:11

ya tya: “Eshi to shi mono, shi shanga membo, ove u li tumine omaongalo enya aheyali omuAsia: kuEfeso nokuSmirna nokuPergamo nokuTiatira nokuSarde nokuFiladelfia nokuLaodikea.”

LUKAS 24:53

Ndele va li alushe motembeli nokuhambelela Kalunga.

JOHANNES 8:58

Jesus okwa tya kuvo: “Oshili ohandi mu lombwele: Abraham fimbo ina dalwa, Ame opo ndi li.”

OVAKOLOSSI 1:15

Oye olupe laKalunga iha monika, Omudalwa wotete woishitwa aishe.