JOEL 3:16 - Ombibeli Iyapuki

¹⁶ Omwene ota ndunduma muSion, ndele ta yelula ondaka yaye muJerusalem, opo eulu nedu otali kakama. Ndelenee Omwene Oye ehondameno loshiwana shaye neameno kovana vaIsrael.

JOEL 3:16 Referans Kwoze

AMOS 1:2

Ndele ye ota ti: “Omwene ta ndunduma muSion ndele ta yelula ondaka yaye muJerusalem; oulifilo wovafita tau kukuta noxulo yaKarmel tai tene.”

HAGGAI 2:6

Osheshi Omwene womatanga ovakwaita osho ta ti: Okafimbo kaxupi akeke, Ame ohandi ka kakamifa eulu nedu, efuta noukukutu.

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JESAJA 42:13

Omwene ota piti mo ngaashi omukwataiti, Ye ote liladipaleke ngaashi omukwaita; ota kaluka onghalu, heeno, ta ingida pombada, ndele te liholola povatondadi vaye, Ye omuladi.

OMAYELETUMBULO 18:10

Edina lOmwene olo oshungongulu ya pama. Omuyuki ta hondama mo ndele ta amenwa.

HESEKIEL 38:19

Heeno, Ame ohandi popi mehandu lange, momundilo woupyuhandu wange. Oshili, mefiku tuu olo moshilongo shaIsrael tamu ka ningwa ekakamo linene ledu;

JESAJA 51:16

Ndele Ame onda tula eendjovo dange mokanya koye nonde ku holeka momudidimbe weke lange, opo ndi dike eulu nondi kanghameke edu nondi lombwele Sion ndi tye: “Oove oshiwana shange.”

OMAPSALOME 61:3

Osheshi Ove wa kala nale ehondamo lange, nohote yange ya pama koshipala shomutondi wange.

EHOLOLO 16:18

Ndele opa holoka omaluvadi nomangungumo neendaka, ndele opa ningwa ekakamo linene lidjuu ledu, ngaashi inapa kala limwe li fike pulo nghee ovanhu va kala kombada yedu, olo ekakamo lidjuu unene ledu.

OMAPSALOME 18:2

Omwene Oye emanya lange la pama, nohotengulu yange, nomuxupifi wange. Kalunga kange Oye omhunda yange yehondamo oko handi tondokele, Oye oshikelelifo shange, noluvinga lexupifo lange, nohote ya kolelela.

JESAJA 33:16

Oye ta ka mona onhele yaye pombada pokule, ehondamenongulu laye olo ohotemanya yaye; ota ka pewa omungome waye nomeva itae mu pwininine.

OMAPSALOME 29:11

Omwene ota ka yandja eenghono koshiwana shaye; oshiwana shaye Omwene te ke shi punika nombili.

1 SAMUEL 15:29

Nefimano lOvaisraeli, ita fufya ndele ite lialuluka. Osheshi ke fi omunhu Ye e lialuluke ngeno”

EHOLOLO 11:19

Ndele otembeli yaKalunga yomeulu ya yeuluka, noshikefa shaye shehangano osha monika motembeli yaye, nokwa li omaluvadi neendaka nomangungumo nekakamo ledu neemhawe dinene.

EHOLOLO 11:13

Ndele mokafimbo tuu aka opa ningwa ekakamo linene ledu. Noshitimulongo shoshilando osha teka po, novanhu omayovi aheyali va fila mekakamo eli ledu, ndelenee vakwao ova haluka ndele tava fimaneke Kalunga komeulu.

OVAHEBERI 12:26

Efiku linya ondaka yaye kwa li ya kakamifa edu, ndele paife a udaneka ta ti: “Lumwe ohandi ka kakamifa edu neulu yo.”

SAKARIA 10:12

Ndelenee Ame ohandi ke va pameka mOmwene, nedina laye tali kala elitango lavo, Omwene ta ti.”

AMOS 3:8

Onghoshi oya kumba, olyelye ngeno ita tila? Omwene Kalunga okwa popya, olyelye ita xunganeke?

HOSEA 11:10

Ndele otava shikula Omwene. Ye ota ka kumba ngaashi onghoshi, heeno, Ye ota ka kumba nounona otave uya nokukakama tava di kouninginino.

SAKARIA 10:6

Ndele ohandi ka pameka eumbo laJuda, nokukwafa eumbo laJosef, ndele handi va shunifa kedu lavo, osheshi Ame handi va file onghenda. Ndele vo otava ka kala ngaashi inandi va ekelashi nande, osheshi Aame Omwene Kalunga kavo ndele Ame ohandi ke va uda.

JESAJA 33:21

Ndelenee Omwene oko ta ka kala pufye meenghonoshinge; tapa kala onhele yomilonga dinene da mbwalangadja, itamu ende nande ounengewato, noskepa inene itai di tauluka.

JEREMIA 17:17

Oove, ino ninga ehalwifo lokutilifa nge, Oove eameno lange mefiku loshiponga.

NAHUM 1:7

Omwene Oye omuwa, Oye ehondameno mefiku loudjuu, ndele Ye e shii ovo have mu lineekele.

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

SAKARIA 9:12

Shuneni kohotengulu, nye eenghwate, mu neteelelo! Onena eli Ame ohandi mu udifile yo, nokutya ohandi ke mu alulila luvali.