JOEL 3:13 - Ombibeli Iyapuki

¹³ “Tumeni oshikashulifo, osheshi oilya oya pya! Ileni, koleni oshikolelo, osheshi osha yada, netemba tali xunga! Owii wao muhapu.

JOEL 3:13 Referans Kwoze

MARKUS 4:29

Noilya ngeenge ya pya, ota tumu ko diva oshikashulifo, osheshi eteyo ola fika.”

HOSEA 6:11

Naave yo Juda, wa nuninwa eteyo, Ame ngeenge handi lundulula okukala kwoshiwana shange.

JESAJA 63:3

Oshikolelo nde shi kolela Ame andike, kapa li pe na nande umwe womoiwana a kwafa nge. Ndele Ame onde va lyataula mehandu lange, onde va nyanyaula noupyuhandu wange, ndele ohonde yavo ya twiyaukila koshikutu shange, nonda nyikifa oikutu yange aishe ohonde.

MATEUS 13:39

Nomuyelani ou e li kuna mo, oye Satana, eteyo olo exulilo lefimbo lounyuni, novatei ovo ovaengeli.

JEREMIA 51:33

Osheshi Omwene womatanga ovakwaita, Kalunga kaIsrael ta ti: Omona okakadona Babilon okwa foshipale mefiku olo tashi palwa. Okafimbo kongaho natango, efimbo leteyo laye otali fiki kuye.

OMAIMBILOKEMO 1:15

Ovaladi aveshe vange ovo ve li pwaame, Omwene e va ekelashi, Ye okwa ifanena nge oitendele yokuteyaula po ovamati vange. Omwene okwa kalela okakadona, omona waJuda, oshikololo sheeviinyu.

DEUTERONOMION 16:9

“Vala oivike iheyali okudja kefiku olo oshikashulifo tashi kashula oilya u nokuhovela okuvala oivike iheyali,

GENESIS 18:20

Omwene okwa tya natango: “Onghuwo molwaSodom naGomorra oya ninga inene shili, noulunde wavo wa ninga mudjuu unene shili.

GENESIS 15:16

Ndele epupi etine otali ka alukila apa, osheshi oulunde wOvaamori inau wana natango.”

GENESIS 13:13

Ndelenee ovanhu vomuSodom ova li vai unene novanyonauni koshipala shOmwene.

EHOLOLO 14:14

Ndele nda mona, ndele tala, oshilemo shitoka, nokoshilemo okwa kala omutumba umwe a fa Omona wOmunhu, okwa li e noshikoloni shoshingoldo komutwe waye, nomeke laye okwa li e noshikashulifo sha twa.

EHOLOLO 19:15

Ndele mokanya kaye omwa dja eongamukonda la twa, okudenga nalo oiwana; Oye te i lifa nodibo yoshivela, ndele ta kolo nokulyata oshikolelo shomaviinyu oupyuhandu waKalunga Omunaenghono adishe.

JESAJA 17:5

Ndele tapa ka kala ngaashi oilya tai kwatwa komutei, neke laye ngeenge tali kwata omitwe doilya, heeno, otapa ka kala ngaashi omitwe doilya tadi toolwa mefilu laRefaim.