JOEL 3:1 - Ombibeli Iyapuki

¹ “Osheshi tala, pomafiku tuu enya nomefimbo tuu linya, ngeenge handi lundulula okukala kwaJuda nokwaJerusalem,

JOEL 3:1 Referans Kwoze

JEREMIA 30:3

Osheshi tala, omafiku otae uya, Omwene ta ti, ohandi ka lundulula osho sha hanga oshiwana shange Israel naJuda, ndele ohandi ke va alulila kedu olo, nde li pa ooxekulu va kale mo, ndele otave ke li nangala, Omwene osho ta ti.”

HESEKIEL 39:25

Onghee hano Omwene Kalunga ta ti ngaha: “Paife eshi Ame ohandi ka lundulula okukala kwaJakob nokufila eumbo alishe laIsrael onghenda nokupopila nouladi edina lange liyapuki,

AMOS 9:14

Ndele Ame ohandi ka lundulula okukala kwaIsrael, ndele vo otava ka tungulula oilando ya ninga omaputu ndele tava ka tula mo. Vo otava ka twika oikokola yomiviinyu nokunwa omaviinyu ayo, nokudika oikunino nokulya oiimati yayo.

JEREMIA 29:14

Ndele Ame handi itavele, mu mone nge, Omwene osho ta ti, nonda hala oku mu alula moupika weni nohandi mu kongolola mo moiwana aishe nomeenhele adishe, oko nde mu undulila ko, Omwene osho ta ti. Ndele handi ke mu shunifila konhele oyo nde mu tele ko, eshi nde mu twala moukwatwa.’

OMAPSALOME 85:1

Omwene, oshilongo shoye, nale we shi hokwa, noupika waJakob okwa li we u pandukulula.

DEUTERONOMION 30:3

opo nee Omwene Kalunga koye ta ka lundulula okukala kwoye noku ku fila onghenda, ndele Ye ote ke ku ongela vali moiwana aishe omo Omwene Kalunga koye e ku halakanifila ko.

JEREMIA 30:18

Omwene osho ta ti: “Tala, ohandi lundulula okukala kwomatwali aJakob nohandi ka fila omaumbo avo onghenda, oshilando opo shi tungululilwe konduba yomakulukuma asho nongulu youhamba i nangalwe ngaashi nale.

JEREMIA 16:15

ndelenee otapa tiwa: Oshili, ngaashi Omwene e nomwenyo, ou a alula ovana vaIsrael moshilongo shoumbangalanhu nomoilongo aishe, mwaai ye a li e va undulila ko. Heeno Ame ohandi ke va alulila koshilongo shavo vene, nde shi pele ooxekulu.

OMAPSALOME 14:7

Akutu, exupifo laIsrael ngeno li holoke muSion! Ngeenge Omwene ta alula oudjuu movanhu vaye, opo Jakob ota hafe naIsrael ota nyakukwa.

HESEKIEL 16:53

“Ndele Ame ohandi ka lundulula okukala kwavo, okukala kwaSodom novana vaye oukadona, nokukala kwaSamaria novana vaye oukadona. Ndele Ame ohandi ka lundulula okukala kwoye, ove ou u li pokati kavo,

JOEL 2:29

Nosho yo kombada yovapiya ovamati noukadona ohandi ka tilila Omhepo yange, pomafiku tuu enya.

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

NUMERI 11:29

Ndelenee Moses okwe mu lombwela: “Ove u nefupandubo molwange? Akutu, ovanhu aveshe vOmwene ngeno ovaxunganeki, Omwene opo a yandje omhepo yaye kombada yavo!”

NUMERI 12:6

Opo nee Ye ta ti: “Udeni eendjovo dange. Mokati keni ngeenge omu nomuxunganeki, Ame ohandi mu lihololele memoniko, nohandi popi naye mondjodi.

OMAYELETUMBULO 1:23

Alukileni omakumaido ange, opo nee Ame ohandi mu tondokifile omhepo yange, handi mu shiivifile eendjovo dange.

JESAJA 44:3

Osheshi ohandi ka tila omeva kombada yaau a fya enota nomilonga kombada yedu la kukuta. Ame ohandi ka tilila Omhepo yange kombada yoludalo loye nenangeko noupuna kombada yoitutumine yoye,