Biblia Todo Logo
Bib sou entènèt

- Piblisite -




JOEL 2:18 - Ombibeli Iyapuki

18 Opo nee ouladi wOmwene wa pendukila oshilongo shaye. Ndele okwa kenukila oshiwana shaye.

Gade chapit la Kopi




JOEL 2:18
19 Referans Kwoze  

“Omwene womatanga ovakwaita osho ta ti: Ame ohandi diinine nouladi unene omolwaSion, heeno, molwaasho Ame handi diinine noupyuhandu unene.


Opo nee omweengeli, ou a popya naame, okwa lombwela nge, ndele ta ti: “Udifa u tye: Omwene womatanga ovakwaita ota ti ngaha: Ame ohandi fi ouladi okukondjela Jerusalem naSion nouladi unene.


ngaashi xe ta file ounona vaye onghenda, Omwene osho ha file onghenda ava have mu tila.


Taleni, ovo ve lididimika, ohatu va tale ovanelao. Elididimiko laJob olo mwe li uda, nomwa mona exulilo e li pewa kOmwene, osheshi Omwene Oye omunalukeno nomunamutimanghenda.


molwouwanghenda wOmwene fye inatu kombwa po sheke, osheshi omafilonghenda aye kaena apa taa xulu po;


Omukali meulu, tala poshi u tale onhele yoye iyapuki noi noshinge! Ouladi woye noilonga yeenghono doye oi li peni? Okuhala kwoye komonhulo yoye nokufilwaonghenda kwoye we ku kelela nge.


Momaluhepo avo aeshe okwe va nyikila oluhodi nomweengeli wokoshipala shaye okwe va xupifa. Okwe va kulila molwohole yaye nomolwolukeno laye. Ndele okwe va toola nokwe va humbata momafiku enya aeshe onale.


Ndele ye okwa fikama ndele okwa ya kuxe. “Ndele fimbo a li kokule, xe okwe mu mona ndele okwe mu udila onghenda, a tondoka e mu shakeneke ndele okwe mu dingatela kofingo, yaye ndele okwe mu fipa komilungu.


Efraim ke shi omumwange omuholike nokaana kehafo lange? Nomomafimbo oku mu hanyena kwange ohandi mu yo alushe. Omwenyo wange owe mu tukulukila ndele u mu uditile onghenda. Ame ondi noku mu fila onghenda, Omwene osho ta ti.


Novanailongo otava tungulula omakumahote oye, neehamba davo otadi ke ku longela; nomokuhanduka kwange onde ku denga, ndele mokuhokwa kwange onde ku fila onghenda.


Omwene ota piti mo ngaashi omukwataiti, Ye ote liladipaleke ngaashi omukwaita; ota kaluka onghalu, heeno, ta ingida pombada, ndele te liholola povatondadi vaye, Ye omuladi.


Ndelenee ouwanghenda wOmwene, oo ohau kala alushe fiyo alushe kombada yaava, have mu tila, noudiinini waye koludalo noludalo,


Ndele vo ova kandula po oikalunga yokoilongo mokati kavo, ndele va longela Omwene. Opo nee Ye ine shi lididimikila vali Israel shi hepekwe.


“Kuwilileni nye oiwana, molwoshiwana shange, osheshi Ye ota ka pula ohonde yovapiya vaye, ndele ta ka handukila ovatondi vaye nokukwatakanifa oshilongo shaye noshiwana shaye.”


Osheshi Omwene ota ka yukifa oshiwana shaye, ndele ta ka kenukila ovapiya vaye, Ye eshi ta mono nokutya, eenghono davo da pwa, ndele inapa fyaala sha.


Vo ova pendula ehandu laye mokulongela oikalunga imwe. Ve mu handukifa omolwoixuna.


Osheshi muJerusalem otamu ka dja oshixupe novaxupifwa vokomhunda yaSion. Ouladi wOmwene Kalunga komatanga ovakwaita otau shi ningi.


osheshi muJerusalem tamu ka dja oshixupe, novaxupifwa komhunda yaSion.” Ouladi wOmwene womatanga ovakwaita tau ke shi ninga.


Swiv nou:

Piblisite


Piblisite