JOEL 2:13 - Ombibeli Iyapuki

¹³ Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

JOEL 2:13 Referans Kwoze

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

OMAPSALOME 34:18

Omwene oku li popepi nomitima da teyauka, Ye oha xupifa ava ve nomhepo ya nyanyauka.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

OMAPSALOME 86:5

Osheshi Omwene, Ove u nonghedi iwa, u yadi ekufilo, Ove u nolukeno naava have ku ifana.

OMAPSALOME 103:8

Omwene Oye omunefilonghenda nomunanghenda, oku yadi onheni nouwanghenda munene.

JONA 4:2

Opo ye a ilikana Kalunga ndele ta ti: “Akutu Omwene! Hasho nda diladila, fimbo nda li moshilongo shetu? Onghee hano nda li nda hala okuya onhapo kuTarsis. Osheshi ondi shi shii, Oove Kalunga omunanghenda nomunalukeno nomutalanheni, nouwanghenda woye munene, ndele Ove ou ku kwete okulialuluka.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

2 SAMUEL 1:11

Opo nee David a kwata oshikutu shaye ndele te shi pombaula. Nosho yo ovalumenhu aveshe ava va li puye.

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

OMAPSALOME 51:17

Omayambo aa a halika kuKalunga, oo omhepo ya teyauka. Omutima, ou wa teyauka nowa alamekwa, oo nee, Kalunga ito u dini.

2 EEHAMBA 22:19

osheshi omutima woye wa pupalekwa keendjovo we di uda, ndele we lininipika koshipala shOmwene, eshi wa uda osho nde shi popya konhele ei noonakukalamo vayo, nokutya vo otava ka ninga oitilifa netumbulo lokutula omutima, ndele ove eshi wa pombaula oikutu yoye ndele wa lila koshipala shange, onghee hano nde ku uda, Omwene ta ti.

OVAEFESO 2:4

Ndelenee Kalunga ou a yada efilonghenda omolwohole yaye inene a kala e tu hole,

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

JOB 1:20

Opo nee Job a fikama, ta pombaula oshikutu shaye shokombada, a kulula eexwiki daye dokomutwe, nokwa wila poshi ta indile,

NUMERI 14:18

‘Omwene Ye omutalanheni, omunene mouwanghenda, ou ta dimi po oilonga ii nomatauluko, ndele ita efa ina handukila, Ye ou ta kongolola po omanyonauno ooxe fiyo oludalo olutitatu nolutine.’

NEHEMIA 9:17

heeno, va anya okudulika noinava dimbulukwa oikumwifalonga yoye, oyo we i va longela mokati kavo. Ndelenee va kukutika eefingo davo ndele moku ku twila ondubo ve lihoololela omukulunhu va shune moupika muEgipiti. Ndelenee Ove Kalunga ho dimi po omatimba, u nonghenda nolune, u nonheni ndele Oove omunene mouwanghenda: Ove wa li ino va ekelashi.

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.

NAHUM 1:3

Omwene Ye omutalanheni e neenghono dihapu. Ndelenee Omwene ita efa okuhandukila. Ondjila yaye otai ende mokafudaela nomoshikungulu. Noilemo oyo ondwi yeemhadi daye.

HESEKIEL 9:4

Ndele Omwene okwe mu lombwela: “Endaenda moshilando, endaenda muJerusalem, ndele ninga edidiliko meembaba doipala yovalumenhu ava hava keme nokunyika oluhodi omolwoixuna aishe ei ya ningwa mo.”

2 EEHAMBA 6:30

Ohamba eshi ya uda eendjovo domukainhu, yo oya pombaula oikutu yayo, fimbo tai ende kombada yekuma, ovanhu va mona nhumbi ya djala koshi yoshikutu, oshikutu sheefya kolutu layo.

2 EEHAMBA 5:7

Ohamba yaIsrael eshi ya lesha onhumwafo oyo, oya pombaula oikutu yayo ndele tai ti: “Ame mbela Kalunga ndi dule okudipaa nokutula omwenyo, eshi omulumenhu winya ta tumine nge ndi kufe momulumenhu oudu waye woshilundu? Dimbulukweni hano, mu tale, nhumbi ta kongo omhito okushinda nge.”

1 EEHAMBA 21:27

Ndelenee Ahab eshi a uda eendjovo odo, okwa pombaula oshikutu shaye nokwa djala oshikutu sheefya kolutu laye longaho nokwe lidilika. Nokwa nangala yo e noshikutu sheefya ndele ta ende a mwena filu.

GENESIS 37:34

Opo nee Jakob okwa pombaula oikutu yaye ndee okwa djala oshikutu sheefya moshiya. Ndele ye okwa lila omona waye omafiku mahapu.

GENESIS 37:29

Opo nee Ruben eshi e uya kelambo, Josef ine mu hanga mo melambo! Onghee ye okwa pombaula oshikutu shaye,

JESAJA 58:5

Elidiliko olo tuu olo mbela nda hala, efiku olo omunhu ta hepeke omwenyo waye? Ngeenge ta endameke omutwe waye ngaashi olumbungu note liyalele oshako ndele ta xu ko omute shi ninge omutala waye? Osho otashi ifanwa vati elidiliko nefiku la wapalela Omwene?

2 EEHAMBA 22:11

Nohamba eshi ya uda eendjovo domembo lomhango, oya pombaula oikutu yayo.

JEREMIA 41:5

okwa dja ovalumenhu kuSekem nokuSilo nomuSamaria, ve fike poomilongo hetatu, va kulula eendjedi davo noikutu ya pombaulwa, nove lishata komalutu, va li ve neendjayambo noitwiminifo momake avo, ve i twale kotembeli yOmwene.

JEREMIA 42:10

‘Ngeenge otamu kala moshilongo eshi, Ame ohandi mu tungu, itandi mu ngumauna po, nohandi mu twike, itandi mu duda mo, osheshi Ame onde lialuluka kowii ou nde u mu monifa.

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

2 OMAFIMBO 6:27

va uda meulu u dime po omatimba ovapiya voye ovanhu voye Ovaisraeli, Ove u va longe eshi sha yuka, ndele Omwene, tuma odula koshilongo eshi shoye we shi pa ovanhu voye va kale mo alushelushe.

JEREMIA 36:7

Kashiimba mokwiilikana nokulinyongamena kOmwene tava ka ilikana, keshe umwe te lialuluka kondjila yaye ii. Osheshi ehandu laye noupyuhandu waye udjuu, Omwene a hala okuhandukila ovanhu ava.”

JONA 3:9

Kashiimba Kalunga ota ka efa ehandu laye nokulidilulula, opo Ye te lialuluka kexwamo lehandu laye ndele fye itatu nyonauka.”