JOEL 1:9 - Ombibeli Iyapuki

⁹ Eendjayambo noikunwayambo oya xulifwa mo mongulu yOmwene. Ovapristeli, ovapiya vOmwene ohava nyika oufiye.

JOEL 1:9 Referans Kwoze

JOEL 2:17

Ovapristeli, ovapiya vOmwene, nava kale nokulila pokati koshivelo noaltari, nava tye: “Akutu Omwene, xupifa oshiwana shoye, noshifyuululifwa shoye, ino shi efa shi fifwe ohoni, vaha shekwe koiwana. Oshike tava ka tya mokati koiwana: ‘Kalunga kavo oku li peni?’ ”

JOEL 2:14

Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

HOSEA 9:4

Itava ka yambela Omwene omaviinyu oikunwayambo, nomatomenoyambo avo itae mu wapalele, a ninga kuvo omungome woluhodi. Aveshe ava tave u li, otava kwata oshidila, osheshi omungome wavo tau kutifa ondjala yavo, ndele itau uya motembeli yOmwene.

JESAJA 61:6

Ndelenee nye otamu ka ifanwa ovapristeli vOmwene ndele tamu ka tiwa: Ovamati vaKalunga ketu! Onye otamu ka lya oupuna woiwana ndele tamu litumbalekele oshinge shavo.

JOEL 1:16

Eendja inadi kufwa tuu moipafi yetu nehafo nekuwililo mongulu yaKalunga ketu?

OMAIMBILOKEMO 1:16

Onghee hano ame ohandi lili, eisho lange, meisho lange tamu tondoka omeva, osheshi omuhekeleki wange a kala nge kokule a hekeleke nge. Ovamwange ova halakanifwa po, osheshi omutondadi a dula nge.

OMAIMBILOKEMO 1:4

Eendjila dokuSion oda nyika oluhodi, osheshi kape novauyi tave uya koshivilo. Omivelo dasho adishe da tokekwa, ovapristeli vasho hava keme noukadona vasho va nyika oluhodi, nasho vene shi udite oululu.

2 OMAFIMBO 13:10

Ndelenee Kalunga ketu Oye Omwene, ndele inatu mu efa. Otu na ovapristeli, Ovaaron nOvalevi, ava tava longele Omwene.

EXODUS 28:1

“Ndele ifana Aron mumwanyoko, novana vaye ovamati pamwe naye movana vaIsrael ve uye kwoove, opo vo va shiive okulongela nge moshilonga shoupristeli: Aron, Nadab naAbihu, Eliaser naItamar, ovana vaAron.