JOEL 1:3 - Ombibeli Iyapuki

³ Shi hepaululileni ovana veni, novana veni ve shi hepaululile ovana vavo, novana vavo ve shi lombwele oludalo lavo.

JOEL 1:3 Referans Kwoze

DEUTERONOMION 6:7

ndele ove u noku di findila movana voye noku di tonga fimbo u li omutumba meumbo loye ile fimbo u li mondjila nongeenge to ka nangala nongeenge to penduka.

OMAPSALOME 145:4

Oludalo limwe nali hepaululile likwao oilonga yoye, noli shiivifwe oinenelonga yoye i neenghono.

OMAPSALOME 71:18

nomokufika moukulupe wange, ngeenge nda ninga eenghwakutoka, Kalunga, Ove ino efa nge! Ame opo nee ndi udifile epupi lokomesho eenghono dokwooko kwoye.

EXODUS 13:14

Nomumwoye omumati ngeenge te ku pula ndele ta ti: ‘Eshi otashi ti ngahelipi?’ Opo nee u noku mu nyamukula: ‘Omwene okwe tu pitifa mu Egipiti, meumbo loupika, neke li neenghono.

JESAJA 38:19

Ovanamwenyo, heeno, ovanamwenyo otave ku hambelele ngaashi ame nena, xe ota hepaululile ovana oshili yoye.

OMAPSALOME 44:1

Kalunga, otwe shi uda nomatwi etu vene, ootate eshi ve shi tu hepaululila, eshi Ove wa longele oinenelonga mounyuni wavo, momafiku onalenale.