JOEL 1:2 - Ombibeli Iyapuki

² Shi udeni, onye ovakulunhu! Shi pwilikineni, onye oonakukalamo moshilongo! Oshinima sha tya ngaha osha ningwa tuu mbela momafiku eni ile momafiku ooxokulu?

JOEL 1:2 Referans Kwoze

JOEL 2:2

Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

HOSEA 5:1

Woo, nye ovapristeli, pwilikineni! Woo, oove eumbo laIsrael, didilika! Woo, eumbo lohamba, pwilikina nomatwi! Osheshi etokolo tali mu hange, osheshi nye omwa ninga omwiyo kuMispa, neendjadja da tandavelifwa, da telwa kuTabor.

JEREMIA 30:7

Woo! Efiku olo olinene shili, itali yelekwa nalikwao. Olo efimbo lokuhepekwa kwaJakob, ndelenee ye ota ka xupifwa mulo.”

JOB 8:8

“Hano pula kepupi lonale, u dimbulukwe osho sha konakonwa kooxe;

MATEUS 24:21

osheshi omafiku oo otapa kala oudjuu unene, inau kala ko okehovelo lounyuni fiyo opaife, ndele ngaashi itau uya vali.

MATEUS 13:9

Hano ou e nomatwi okuuda, na ude ko!”

MIKA 3:9

Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka.

MIKA 3:1

Ame nda tile: Udeni ko, nye ovakulunhu vomuJakob nomalenga omeumbo laIsrael! Hanye tuu mu nokushiiva ouyuki hamba?

MIKA 1:2

Oiwana aishe, pwilikineni! Edu ove nouyadi walo, didilika! Omwene Kalunga na kale ondobwedi yeni oku mu pa oushima, Omwene womotembeli yaye iyapuki.

AMOS 5:1

Eumbo laIsrael, uda ondjovo ei, Ame handi i yelula ngaashi eimbilokemo molweni!

AMOS 4:1

Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni!

AMOS 3:1

Akutu, nye ovana vaIsrael, udeni ondjovo ei Omwene e i mu lombwela nokupopya epata alishe, Ame nde li kufa mo medu laEgipiti:

JOEL 1:14

Yapuleni efiku lelidiliko. Shiveni oshiongalele. Ongeleni mongulu yOmwene Kalunga keni ovakulunhu noonakukalamo aveshe vomoshilongo, ndele kuweni kOmwene.

HOSEA 4:1

Udeni ondjovo yOmwene, akutu, nye ovana vaIsrael! Osheshi Omwene oku na oihokolola noonakukalamo moshilongo, osheshi moshilongo kamu noudiinini nokamu nohole nokamu nokushiiva Kalunga.

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

JEREMIA 5:21

Pwilikineni onye omalai, muhe neendunge, ve nomesho, vo ihava mono ko, nove nomatwi, vo ihava udu ko.

JESAJA 34:1

Eheneni oku, onye oiwana amushe, nye mu ude; pwilikineni, onye oiwana yoilongo. Edu nakeshe eshi shi li mo, pwilikina, eembinga dedu naaishe tashi tutuma mo.

JESAJA 7:17

“Ndelenee Omwene ota dimine kombada yoye nokombada yoshiwana shoye nokombada yeumbo laxo omafiku oo a li inae uya fimbo Efraim ina efa Juda e uye. Ta dimine ohamba yaAsiria e uye.”

OMAPSALOME 49:1

Shi udeni, oiwana aishe! Pwilikineni, oonakukala kombada yedu amushe!

JOB 21:7

“Omolwashike ovahenakalunga tava itavelwa okukala po ve nomwenyo, vo hava kulupa ndele hava mono eenghono?

JOB 15:10

Mokati ketu yo omu novanhu ve neenghwakutoka, ve nomafiku mahapu e dule omafiku ooxo.

JOB 12:12

Omulumenhu weenghwakutoka e nounongo, naau e nomafiku mahapu eendunge.

EHOLOLO 2:7

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe okulya komuti womwenyo u li moParadisa yaKalunga.’