JEREMIA 9:2 - Ombibeli Iyapuki

² Ngeno onda li ndi nonduda yovaendanandjila mofuka, ngeno onda fiya po ovanhu vange, ndi dje po puvo! Osheshi vo aveshe ovatei vohombo, ongudu yovalunga.

JEREMIA 9:2 Referans Kwoze

JEREMIA 23:10

Osheshi edu ola yada ovatei vohombo. Edu otali nyika oufiye molwefingo. Oufita wokomalondo wa kukuta, eshi tave shi hokele, oshii. Naapa tave likongele neenghono davo osho sho inashi yuka.

HOSEA 4:2

Otapa nuwa, ndele tapa fufywa, tapa dipawa, tapa vakwa, tapa teywa ohombo. Notapa tinhwa omaumbo, netimba lohonde hali shikula likwao.

HOSEA 7:4

Vo aveshe ovatei vohombo. Vo va fediko la pupyalekwa komuteleki womungome. Ye eshi a lunga olumbololo, iha ehele vali omundilo, fiyo olumbololo alishe la pya.

JEREMIA 12:6

Osheshi novamwaxo neumbo laxo navo yo otava ende nomakoto naave, navo yo otave ku ingida pombada konima yoye. Ino ve lineekela nande nave ku popife noukaume.

JEREMIA 12:1

Omwene, Oove omuyuki, ame ohandi dulu tuu mbela oku ku twifa eemhata? Ndele onda hala ndi ku pule oshili i li peni moinima ei: omolwashike mondjila yovalunde omu nelao? Nomolwashike ovaliteeki aveshe ve li nombili?

JAKOB 4:4

Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga.

MALAKIA 2:11

Juda okwe liteeka nomuIsrael nomuJerusalem mwa ningwa oixuna. Osheshi Juda okwa shekifa otembeli yOmwene, ei Ye e hole, ndele ye okwa hombola oukadona voshikalunga shokoilongo.

SEFANIA 3:4

Ovaxunganeki vomusho vehe noshisho shasha, vo ovakulunhu vehe shii kulineekelwa. Ovapristeli vomusho otava nyateke eshi sha yapulwa, vo ohava endameke omhango.

HOSEA 6:7

Ndelenee ova nyona ehangano ngaashi Adam; opo tuu va efa nge.

HOSEA 5:7

Ova kengelela Omwene, osheshi ova dala ounona vomoukumbu. Paife oshivilo shohani ipe tashi ke va lya pamwe nomapya avo.

JEREMIA 5:11

Osheshi eumbo laJuda neumbo laIsrael okwe liteeka nge, Omwene osho ta ti.

JEREMIA 13:22

Ndele ngeenge ho lipopile momwenyo woye to ti: oinima i fike apa oya hangela nge shike? Molwomanyonauno oye eenyemba doshikutu shoye oda xumwa noififinwa yeemhadi doye oya monika.

MIKA 6:12

Osheshi oipuna yomoshilando oi yadi oukolokoshi noonakukalamo musho hava popi oipupulu, nelaka lavo li yadi ekengelelo momakanya avo.

MALAKIA 2:14

Ndele nye otamu pula: Omolwashike? Omolwaashi Omwene Ye ondobwedi pokati keni nomwalikadi womounyasha woye, ou we mu tekuka, nande ye omukainhu woye nomwalikadi womohombo.

OVATOKOLIPANGELI 2:10

Ndele epupi olo alishe, eshi la ongelwa kooxe, epupi limwe la holoka konima yavo, lo inali shiiva Omwene nosho yo inava shiiva oilonga ye e i ningila Israel.

JESAJA 59:3

Osheshi omake eni okwa nyika ohonde, nominwe deni oda nyika oulunde, omilungu deni tadi popi oipupulu nelaka leni tali lundile.

JEREMIA 4:22

Osheshi ovanhu vange omalai, inava shiiva nge, ovo oludalo la lunduka, kave na nande omayele, ove neendunge dowii, ndele inava shiiva okulonga ouwa.

JEREMIA 5:1

Indeni momapandavanda aJerusalem, mu tale nye mu kundane nokupulapula momapandavanda avo, ngeenge tamu mono mo umwe, ngeenge mu na nando umwe ta wanifa ouyuki ndele ta kongo oshili, opo nee ohandi shi file onghenda.

JEREMIA 5:2

Ndele nande vo aveshe tava ti: Oshili, ngaashi Omwene e nomwenyo, otava ane oipupulu.