JEREMIA 9:1 - Ombibeli Iyapuki

¹ Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.

JEREMIA 9:1 Referans Kwoze

JEREMIA 13:17

Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika.

JESAJA 22:4

Opo nee ohandi ti: Taleni pamwe pe lili, hakwaame, opo ndi shiive okulila nokuli lilila; inamu uya okuhekeleka nge molwehanauno lomona okakadona koshiwana shange.

OMAIMBILOKEMO 2:11

Omesho ange a twiyala komahodi; eshi shomeni lange osha fuluka. Omutima wange wa hala okutopa omolwenyonauko lomona okakadona koshiwana shange. Osheshi ounona nouhanana tava pundile po meendabo doshilando.

JEREMIA 6:26

Akutu, omona okakadona, oshiwana shange! Lidika oikutu yeefya, ove u alangate momute. Shiva eenghali, ove u lile ngaashi ewifa hali lilwa eenghali nokulililila, osheshi omuhanauni ote ku faukile diva.

JEREMIA 14:17

Ndele va lombwela ondjovo ei: “Omesho ange otaa tondokifa omahodi oufiku nomutenya, itaa kofa, osheshi okakadona, omona woshiwana shange okwa toshaulwa oipute, ihe shii kukumwa.

JESAJA 16:9

Onghee hano ohandi lili pamwe naJaeser, handi lilile omiviinyu domuSibma, nomahodi ange ohandi ku tutike, oove Hesbon naave Eleale, osheshi mekolelo leeviinyu nometeyo omwa udika onghuwo.

OMAPSALOME 119:136

Omahodi otaa kunguluka momesho ange, shaashi omhango yoye ihave i yavala.

OMAPSALOME 42:3

Omahodi ange okwa ninga eendja dange omutenya noufiku, osheshi efiku keshe otava pulapula nge tava ti: “Kalunga koye oku li peni paife?”

JEREMIA 4:19

Akutu, onhulo yange, onhulo yange! Ame handi kakamifwa kehaluko! Oikololo yomutima wange, omwenyo wange wa tukuluka, itandi dulu okumwena, osheshi ove omwenyo wange wa uda omanghuma taa kuwaana nonghuwo yolwoodi tai kuu!

JEREMIA 8:18

Woo ame, ohandi lihekeleke nashike, eshi nda nyika oluhodi li fike apa? Nda vela komutima.

JEREMIA 9:18

va endelele ve tu lilile eenghali, opo omesho etu a tondoke omahodi, neemhafu detu di tondoke omeva.

OMAPSALOME 55:7

Heeno, ngeno ndi tukile kokule ndi ka kale mofuka. Sela

JEREMIA 3:10

Ndele nande opa li ngaha, omumwaina Juda, ou e liteeka nge, ina aluka e uye kwaame nomutima waye aushe, ndelenee okwa li e noipupulu yaye. Omwene osho ta ti.”

JEREMIA 5:7

Ondi ku diminine po shike? Oludalo loye ola efa nge ndele ola ana kwaau ehe fi Kalunga. Ame onde va kutifa, ndelenee vo ova teya omahombolo ndele va ongala eengudu neengudu meumbo lombwada.

HESEKIEL 22:12

Vo ova tambula mwoove eembubo dokutilashi ohonde. Oikolo nye mwe i kwatifa eliko, ndele tamu tambula oshishoshela, ndele mwa futifa mukweni moku mu fininika, ndelenee mwa dimbwa nge, Omwene Kalunga ta ti.”

HOSEA 7:4

Vo aveshe ovatei vohombo. Vo va fediko la pupyalekwa komuteleki womungome. Ye eshi a lunga olumbololo, iha ehele vali omundilo, fiyo olumbololo alishe la pya.