JEREMIA 5:3 - Ombibeli Iyapuki

³ Omwene, omesho oye inaa tala tuu oudiinini? Ove owe va denga ndele vo ova kala kave udite ouyehame. Ove owe va teya po, ndelenee vo ova anya okudulika. Oshipala shavo ove shi kukutika shi dule emanya, ndelenee inava tambula ehandupukululo.

JEREMIA 5:3 Referans Kwoze

JEREMIA 7:28

opo nee va lombwela u tye: Oshiwana osho tuu eshi sha kala inashi dulika kondaka yaKalunga kavo, ndele inashi hala okulombwelwa. Oshili oya kana, itai udika momakanya avo.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

SEFANIA 3:7

Ame nda tile: “Ngeno ove ho tila nge nokutambula epukululo, ngeno onhele yokukala kwoye itai ka hanaunwa po. Ashishe eshi nde shi ku nunina, itashi ka ningwa.” Nande ngaha vo ova kala nokunyona neenghono moilonga yavo aishe.

JESAJA 9:13

Ndelenee ovanhu inava alukila kwaau te va denge, ngaashi itava kongo Omwene womatanga ovakwaita.

2 OMAFIMBO 16:9

Osheshi omesho Omwene taa tale edu alishe, opo a kwafe neenghono ovo have liameke kuye nomutima aushe. Moshinima eshi wa ninga oushima, osheshi okudja paife tapa ka kala oita naave.”

JESAJA 42:25

Opo nee Ye a tilila oupyuhandu waye kombada yavo nolwoodi lidjuu. Ola xwama, le va dingilila keembinga adishe, ndele vo inave li dimbulukwa nande, ole va xwika, ndelenee inave li itavela momitima.

OVAHEBERI 12:9

Ndele ngaashi vali twa kala nootate vetu vopalutu, eshi ve tu denga ndele twa dulika kuvo, hano ohatu kala ngahelipi tuha dulike ngeno kuxe yeemhepo neduliko li dule linya, fye tu kale tu nomwenyo?

OVAROMA 2:2

Ndele tu shi shii etokolo laKalunga oli li lopaushili kwava hava longo ei.

HESEKIEL 24:13

Omolwonyata yoye tai nyonyodolifa, nande Ame nda li nda hala oku ku yapula, ndele ove ino yapuka, ove ito ka yapulwa fimbo Ame inandi tulumukifila mwoove oupyuhandu wange.

JEREMIA 32:19

omunene momayele, nomunaenghono moilonga; omesho oye a tala eendjila adishe dovana vovanhu, u va pe keshe umwe shi fike peendjila daye nopoiimati yoilonga yaye.

JEREMIA 19:15

Omwene womatanga ovakwaita, Kalunga kaIsrael ota ti ngaha: Tala, Ame ohandi etele kombada yoshilando eshi nokombada yoilando ikwao aishe ei i li mepangelo lasho oshiponga, nde shi shi xunganekela, osheshi ova kukutika eefingo davo, ndele inava pwilikina eendjovo dange.

JEREMIA 7:26

Ndelenee inava uda nge nongaashi inava ameka omatwi avo kwaame, vo ova li ve noshityani ve dule ooxekulu yavo owii.

JESAJA 48:4

Osheshi ame onda li ndi ku shii, oove omulundakani, nofingo yoye oi nomifipa doivela noshipala shoye oshikushu,

OMAYELETUMBULO 27:22

Elai nande u li twe koshini, nokutwifa omushi mumwe neemuma, oulai walo itau di mo.

OMAYELETUMBULO 23:35

Ye ta ti: “Vo ova denga nge, ndelenee inandi uda ouyehame, Vo ova denga nge poshi, ame inandi shi dimbulukwa! Onaini handi ka papuduka? Opo nee handi ke a konga vali.”

OMAYELETUMBULO 22:12

Omesho Omwene taa amene eshiivo. Onghee hano ta pengifa eendjovo dovaliteeki.

OMAYELETUMBULO 21:29

Omuhenakalunga ota kukutike oshipala shaye, ndelenee omuyuki ta yukifa eendjila daye nawa.

OMAPSALOME 51:6

Ove wa hala oshili i kale meni momutima, nomoule womwenyo ho shiivifa nge ounongo.

2 OMAFIMBO 28:22

Nomefimbo tuu olo, eshi va fininika unene ohamba Ahas, yo ya nyona unene kOmwene,

LEVITIKUS 26:23

Ndele nye ngeenge natango tuu itamu dulika komalondwelo ange, ndele tamu anye nge,

2 EEHAMBA 1:13

Nokwa tuma ko kuye vali omukulunhu omutitatu womilongo nhano pamwe navaye omilongo nhano. Nomukulunhu omutitatu womilongo nhano okwa londa nokwe uya ndele ta tu eengolo daye koshipala shaElia, ndele ta ilikana te mu lombwele: “Omulumenhu oove waKalunga, okukalamwenyo kwovapiya voye ava omilongo nhano naku kale ku nondilo momesho oye.

JEREMIA 8:5

Ovanhu ava, Ovajerusalem, omolwashike hano hava pilamene ko nokushuna monima alushe? Ohava dame mekonda ndele hava anye okwaaluka mo.

JEREMIA 35:13

Omwene womatanga ovakwaita, Kalunga kaIsrael, ota ti ngaha: Inda u ka lombwele ovalumenhu vomuJuda noonakukalamo muJerusalem u tye: Nye inamu hala okudulika kouteku wange, nye mu ude eendjovo dange, Omwene ta ti?

HESEKIEL 2:4

Ndele ohandi ku tumu kovana ve noipala idjuu nomitima dikukutu, ndele u noku va lombwela nokutya: Omwene, Omwene ta ti ngaha.

DANIEL 9:13

Ngaashi mwa shangwa momhango yaMoses, osho yo omupya aushe ou we uya kombada yetu. Ndele fye inatu indila onghenda kOmwene, Kalunga ketu, opo fye tu lidilulule mowii wetu notu tale nawa oshili yaye.

AMOS 4:6

“Nosho yo nde mu pa okukusha kwomayoo moilando yeni aishe noluhepo lomungome meenhele deni adishe. Nande ngaha nye inamu aluka kwaame, Omwene ta ti.

GENESIS 19:34

Mefiku la shikula oshiveli sha lombwela ondenge: “Tala, oufiku ou wa pita, ame nda nangala natate. Natu mu pe vali nena omaviinyu a nwe. Inda nee kuye u ka nangale naye, fye tu limonene oludalo mutate.”

1 EEHAMBA 13:33

Ndelenee nande oinima ei ya ningwa Jerobeam ine lidilulula a aluke ngeno mondjila yaye ii, ndelenee okwa tula ovapristeli vomovanhu ve lili nove lili moshilonga shomoikulundu yeealtari. Keshe umwe ou e shi hala, okwe mu yapulila moshilonga shoupristeli, nosho a ninga omupristeli woshikulundu sheyambelo.

OMAPSALOME 51:8

Udife nge ehafo nenyakuko, opo omakipa ange, aa we a teyaula, a nyakukwe.

OMAPSALOME 55:20

Eke laye okwe li kwatifa ava va li nombili naye ndele ta nyonauna po ehangano lavo naye.

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

JEREMIA 3:3

Nodula oya kelelwa ko, nodula yokulombo inai uya, ndele ove owa li u nomesho ombwada, ove ino hala okufya ohoni.

JEREMIA 15:7

Ndele Ame ohandi ke va yela noshiyelifo, handi va pepe mo moivelo yoshilongo, oshiwana shange ohandi ke shi ninga shihe noludalo, ndele handi shi hanauna po, osheshi vo inava aluka keendjila davo dii.

JEREMIA 17:23

Ndelenee vo inava uda nongaashi inava ameka omatwi avo kwaame, ndelenee ova tangalala, ndele inava dulika ndele itava tambula epukululo.

JEREMIA 44:10

Fiyo onena inave lixupipika nongaashi inava tila, noinava enda pamhango yange nopamayukifo oo nde e va pa, ovo nooxekulu.”

AMOS 4:8

Nosho oilando ivali ile itatu otai ende nokupungauka ya yuka koshilando oshititatu i ka nwe omeva, ndelenee itai kumwa. Nande ngaha, nye inamu alukila kwaame, Omwene ta ti.

AMOS 4:9

“Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.

AMOS 4:10

“Ame nde mu tumina oudu wolutapo ngaashi muEgipiti. Ame nda dipaa ovamati veni neongamukonda, neenghambe deni da kwatwa. Ndele edimba lii lomeenhanda deni nde li fikifa fiyo okomayulu eni. Ndele nande ongaha, nye inamu alukila kwaame, Omwene ta ti.

AMOS 4:11

“Ame nde mu hanauna po ngaashi Kalunga a hanauna po Sodom naGomorra, opo nye mwa li ngaashi oshikuni sha nakulwa momundilo. Ndele nande ongaha, nye inamu alukila kwaame, Omwene ta ti.