JEREMIA 4:4 - Ombibeli Iyapuki

⁴ Lipitifileni Omwene etanda nye mu ekeleshi onyata yokomutima, onye ovalumenhu Ovajuda nOvajerusalem, oupyuhandu wange opo uha xwame ngaashi omundilo wa xwama, uhe shi kudimwa, omolwowii woilonga yeni.

JEREMIA 4:4 Referans Kwoze

DEUTERONOMION 10:16

“Onghee hano teta oxulo yoshipa shomitima deni ndele inamu likukutika vali.

OVAKOLOSSI 2:11

Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus,

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

JEREMIA 9:26

Egipiti naJuda muEdom nOvaammoni, naMoab naaveshe ve likulula omitwe davo omixungo, ava va kala mofuka. Osheshi oiwana aishe yovapaani inava pita etanda, ndelenee epata alishe laIsrael inava pitifwa etanda komutima.

JEREMIA 21:12

Eumbo laDavid! Omwene osho ta ti: ‘Ongula keshe tokoleni omatokolo a yuka, xupifeni onakunyekwa meke lomuhepeki, opo ehandu lange liha teme ngaashi omundilo ndiha xwame molwowii woilonga yeni, ndele puha kale omudimi.’

AMOS 5:6

Kaleni nokukonga Omwene, opo tamu ka kala nomwenyo, opo Ye aha tukile eumbo laJosef ngaashi omundilo, ou tau xwike, ndele itapa monika nande umwe te u dimi muBetel.

SEFANIA 2:2

Fimbo ino tokolwa, efiku tali tuka po ngaashi olungu, fimbo inamu hangika koupyuhandu wOmwene, fimbo inamu hangika kefiku lehandu lOmwene.

HESEKIEL 20:33

Oshili ngaashi ndi nomwenyo, Omwene Kalunga ta ti, oshilielela, Ame ohandi ke mu pangela neke li neenghono nokwooko kwa nanwa noupyuhandu wa tilwashi.

HESEKIEL 24:13

Omolwonyata yoye tai nyonyodolifa, nande Ame nda li nda hala oku ku yapula, ndele ove ino yapuka, ove ito ka yapulwa fimbo Ame inandi tulumukifila mwoove oupyuhandu wange.

OMAIMBILOKEMO 4:11

Omwene okwa wanifa oupyuhandu waye nokwa tilashi ehanyo lehandu laye, ndele a temena muSion omundilo, oo wa lungwinifa po omikangha dasho.

HESEKIEL 24:8

Ame nda tula ohonde kemanya li li hamungaho, iha fufilwe, opo oupyuhandu wange nonghone yange i penduke.”

HESEKIEL 16:38

Ndele Ame ohandi ke ku tokola ngaashi sha pangelwa momhangela yovatei vohombo novatilishi vohonde, ndele Ame handi ku efele efyo lohonde moupyuhandu nomouladi.

HESEKIEL 8:18

Onghee hano, Ame ohandi ka ninga, eshi handi ningi mehandu lange. Eisho lange itali ka tala nolukeno, ndele ihandi ka filonghenda. Ndele vo nande va kuwe onghuwo mokule momatwi ange, Ame itandi ke va uda nande.”

HESEKIEL 6:12

Ou e li kokule ota ka fila moudu u nolutapo. Naau e li popepi ota ka ungulwa keongamukonda. Naau a xupa nokwa amenwa, ota ka fya kondjala. Osho ngaha ohandi ka wanifa ehandu lange muvo.

JEREMIA 36:7

Kashiimba mokwiilikana nokulinyongamena kOmwene tava ka ilikana, keshe umwe te lialuluka kondjila yaye ii. Osheshi ehandu laye noupyuhandu waye udjuu, Omwene a hala okuhandukila ovanhu ava.”

JEREMIA 23:19

Tala, oshikungulu shOmwene otashi tukuluka, oupyuhandu tau uya nokafudaela otaka alangatele komitwe dovakolokoshi.

JEREMIA 21:5

Ndele Ame mwene ohandi ke mu lwifa neke la yeluka nokwooko ku neenghono; heeno, mehandu nomexwamo linene lehandu.

JESAJA 51:17

Penduka po, yambuka po; Jerusalem, fikama; oove tuu ou wa li wa pewa okunwa meke lOmwene eholo loupyuhandu laye, ndele wa nwa eholo lekolwifo nowe li mana filu.

LEVITIKUS 26:28

Ame ohandi ke mu anya moupyuhandu ndele Ame ohandi ke mu handukila luheyali omolwomatimba eni.

HESEKIEL 21:17

Osho hano naame yo ohandi ka denga kumwe omake ange nokutulumukifa oupyuhandu wange. Aame Omwene, nde shi tya.”

HESEKIEL 18:31

Ekeleishi omatauluko eni aeshe aa mwa tauluka, ndele liningileni omutima mupe nomhepo ipe. Osheshi omolwashike mwa hala okufya, onye eumbo laIsrael?

DEUTERONOMION 32:22

Osheshi omundilo wa tema mehandu lange, ndele tau ka xwama fiyo omoshovafi shokoshi, ndele tau ka lungwinifa edu alishe nouyadi walo ndele tau ka tema omakanghameno eemhunda.

OVAROMA 2:25

Heeno, epitotanda otali kwafa ashike ngeenge to wanifa omhango; ndelenee ove ngeenge omunyoni womhango, opo nee nande wa pita etanda, oto kala wa fa ino li pita.

LEVITIKUS 26:41

Opo naame yo nda li ndi noku va anya noku va twala medu lovatondadi vavo. Opo omitima davo inadi pita etanda ngeenge tadi lininipike, va mone ekwatakanifo lomatimba avo.

JESAJA 10:17

Ndele ouyelele waIsrael otau ka ninga omundilo nOmuyapuki waye omutemo womundilo, ndele tau ka lungwinifa po omano neeshosholo noku i mana po mefiku limwe alike.

JESAJA 30:33

Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.

JEREMIA 9:25

Tala, omafiku otae uya, Omwene osho ta ti, Ame ohandi ka handukila aveshe va pita etanda, ndelenee ve li ngaashi inava pita etanda:

JEREMIA 44:22

Opo Omwene ina dula vali oku li lididimikila owii woilonga yeni nomolwoixuna mwe i longa, onghee oshilongo sheni osha ninga omakulukuma nomaputu nondjovo yefingano shihe novanhu, ngaashi shi li nena eli.

HESEKIEL 44:7

Nye eshi mwa eta mo ovanailongo inava pita etanda momitima davo noinava pita etanda mombelela, va kale motembeli yange, vo va shekife otembeli yange. Nosho yo mwa yamba omungome wange nomaadi nohonde, ndele vo va teya po ehangano lange noififahoni yeni aishe.

2 OMAFIMBO 34:25

Osheshi mwe liteeka nge ndele mwa twiminina oikalunga imwe, mu handukife nge noilonga yeni aishe yomake eni, onghee hano oupyuhandu wange tau ka tilwashi kombada yonhele ei, ndele itau ka dimwa po.

JEREMIA 15:14

Ndele Ame ohandi ku endifa pamwe novatondadi voye moshilongo, wa li uhe shi shii. Osheshi omundilo wehandu lange owa tema, tau xwama kombada yeni.