JEREMIA 3:8 - Ombibeli Iyapuki

⁸ Nonda koneka, nande nda henga Israel omolwoluhaelo laye noku mu pa ombapila yehengo, omumwaina Juda, ou e liteeka nge, ina tila, ndelenee okwa ya ndele ta haelwa ngaashi winya.

JEREMIA 3:8 Referans Kwoze

DEUTERONOMION 24:1

“Omulumenhu ngeenge ta kufa omukainhu, ndele te mu hombola, ndelenee ine mu hala vali, osheshi ye okwa mona sha muye showii, ndele te mu shangele ehenganomushangwa ndele te li mu pe momake aye, ndele te mu lekele meumbo lavo,

HOSEA 3:4

Osheshi ovana vaIsrael otava ka kala efimbo lile, vehe nohamba, vehe nomukulunhu, vehe netomenoyambo, vehe nongudi yemanya, vehe noshikutu shelongelokalunga novehe noikalunga yomomaumbo.

JESAJA 50:1

Omwene ota ti ngaha: “Omushangwa wehengo wanyoko ou li peni, ou nde mu hengifa po? Ile olyelye ou nde mu lila oikolo nonde mu landifa po? Tala, nye omwa landifwa po omolwomanyonauno eni, nomolwomatauluko eni nyoko okwa hengwa po.

HESEKIEL 23:9

Onghee hano Ame nde mu yandja meke lovaholike vaye, momake ovana vaAsiria, oye okwa li e va haluka.

HESEKIEL 16:47

Ndelenee nye inamu enda neendjila davo ndele inamu longa oixuna yavo. Okafimbo kaxupi ndele nye mwe va dula meenghedi dii ngaashi vo meendjila davo adishe.

JEREMIA 3:1

“Okwa tiwa, omulumenhu ngeenge ta henge po omukainhu waye, ndele ta di po puye, ndele omukainhu ta hombolwa komulumenhu umwe, omulumenhu ota dulu tuu okushuna vali kuye? Oshilongo itashi nyatekwa mbela koshinima shi fike apa? Ndele oove, nande wa haelwa kookaume voye vahapu, alukila kwaame, Omwene osho ta ti!

DEUTERONOMION 24:3

nomulumenhu tuu ou omutivali yo ine mu hala, ndele te li mu shangele ehenganomushangwa, ndele te mu pe momake aye, ndele te mu lekele, ta di meumbo laye, ile omulumenhu waye wa xuuninwa ou e mu hombola, ta fi,

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

JEREMIA 33:24

Ino koneka oshiwana eshi tashi shi popi, tashi ti: “Omapata aa avali, Omwene e a hoolola, okwe a ekelashi?” Ndele tava dini oshiwana shange sha fa kashi fi vali oshiwana moipafi yavo.

HESEKIEL 16:46

Ndele omukulu woye omukainhu oye Samaria, ye pamwe novana vaye oukadona, ava ve li koumbangalanhu woye. Ndelenee ondenge yoye omukainhu, ou e li koumbuwanhu woye, oye Sodom novana vaye oukadona.

HESEKIEL 16:51

Samaria mokunyona ina fika nande ketata loulunde woye. Ove wa hapupalifa oixuna yoye, u va dule, ndele ove noixuna yoye aishe we i longa, wa yukipalifa ovamwanyoko ovakainhu.

2 OMAFIMBO 21:11

Nokwa ninga yo oikulundu yokuyambela keemhunda domuJuda nokwa twala oonakukalamo muJerusalem mokuhaela nokwa pukifa Juda.

JEREMIA 5:7

Ondi ku diminine po shike? Oludalo loye ola efa nge ndele ola ana kwaau ehe fi Kalunga. Ame onde va kutifa, ndelenee vo ova teya omahombolo ndele va ongala eengudu neengudu meumbo lombwada.

HESEKIEL 23:44

Ndele vo va ya kuye ngaashi omulumenhu ta i kombwada. Osho ngaha va ya kuOhola nokuOholiba, kovakainhu ava va nyonyodolwa.