JEREMIA 3:12 - Ombibeli Iyapuki

¹² Eendjovo edi inda u ke di ingidile lwokoumbangalanhu ove u tye: ‘Aluka! Akutu oove nakuliteeka nge, Israel, Omwene ta ti; Ame itandi ke mu didivala vali, osheshi Aame omunanghenda, Omwene osho ta ti; Ame itandi ka kala nda handuka fiyo alushe.

JEREMIA 3:12 Referans Kwoze

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

JEREMIA 33:26

ngeno osho ohandi ka ekelashi yo oludalo laJakob nolaDavid, omupiya wange, ndiha hoolole mo moludalo laye ohamba, tai kala nokupangela oludalo laAbraham nolaIsak nolaJakob. Osheshi osho she va hanga ohandi ke shi lundulula nohandi va file onghenda.

JEREMIA 31:20

Efraim ke shi omumwange omuholike nokaana kehafo lange? Nomomafimbo oku mu hanyena kwange ohandi mu yo alushe. Omwenyo wange owe mu tukulukila ndele u mu uditile onghenda. Ame ondi noku mu fila onghenda, Omwene osho ta ti.

JEREMIA 3:22

“Alukeni, akutu nye ounona oonakuliteeka nge, Ame ohandi velula okuliteeka kweni.” Ndele nye tamu ti: “Tala, ohatu uya kwoove, osheshi Oove Omwene Kalunga ketu.

JEREMIA 3:18

Pomafiku enya eumbo laJuda otali ende neumbo laIsrael, taa di pamwe kedu lokoumbangalanhu, tae uya kedu nde li pa ooxekulu yavo efyuululo.

JEREMIA 30:11

Osheshi Ame ondi li pwoove, Omwene osho ta ti, nohandi ku xupifa. Osheshi oiwana aishe ei nde ku halakanifila mokati kayo, ohandi ke i mana po sheke. Ndelenee itandi ku mane po, ndelenee ohandi ku handukile nondjele, ndelenee itandi ku efa inandi ku handukila.”

JEREMIA 23:8

ndelenee otapa tiwa: Oshili, ngaashi Omwene e nomwenyo, a alula oludalo lomeumbo laIsrael okoshilongo shoumbangalanhu nokoilongo aishe Ame nde va taataelele ko. Ndele vo otava ka kala moshilongo shavo.”

JEREMIA 4:1

Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali.

JEREMIA 3:5

Alushe tuu ye ota ka kala nokuhandukila nge? Ta diinine ehandu laye fiyo fiyo?’ Tala, osho wa popya, ndele ho kala nokulonga owii, heeno, wa nyonauna shili.”

OMAPSALOME 145:8

Omwene oku na onghenda nolukeno, oha tale onheni noku yadi ouwanghenda.

OMAPSALOME 86:5

Osheshi Omwene, Ove u nonghedi iwa, u yadi ekufilo, Ove u nolukeno naava have ku ifana.

2 EEHAMBA 18:1

Nomudo omutitatu waHosea yaEla, ohamba yaIsrael, Hiskia yaAhas, ohamba yaJuda, a ninga ohamba.

2 EEHAMBA 17:23

fiyo Omwene okwa ekelashi Ovaisraeli koshipala shaye, ngaashi a popya nomakanya ovapiya vaye aveshe ovaxunganeki. NOvaisraeli va kufwa moshilongo shavo, va twalwa moukwatwa kOvaasiria fiyo onena eli.

DEUTERONOMION 30:2

ndele ove to alukile kOmwene Kalunga koye, ndele to pwilikine ondaka yaye ngaashi ame handi ku lombwele nena eli, ove novana voye, nomutima woye aushe nomwenyo woye aushe,

HOSEA 6:1

Otava ti: “Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

HESEKIEL 39:25

Onghee hano Omwene Kalunga ta ti ngaha: “Paife eshi Ame ohandi ka lundulula okukala kwaJakob nokufila eumbo alishe laIsrael onghenda nokupopila nouladi edina lange liyapuki,

JEREMIA 31:8

Tala, Ame ohandi ke va kufa medu lokoumbangalanhu nohandi va kongolola kominghulo dounyuni. Mokati kavo omu novapofi noingudu, ovafimba novamwali, ngaashi ve li, otava alukile apa ongudu inene.

JEREMIA 3:14

“ ‘Alukeni! Akutu nye, ovana oonakuliteeka nge, Omwene osho ta ti, osheshi Ame nde mu tambula. Ndele Ame ohandi mu ile umwe moshilando shimwe noovavali mepata limwe, nohandi ke mu twala kuSion.

JEREMIA 3:7

Ndele oinima ei aishe eshi e i ninga, Ame onda tya: ‘Aluka u uye kwaame!’ Ndelenee ye ina aluka. Nomumwaina Juda, ou e liteeka nge okwa mona okunyona kwaye.

JEREMIA 3:1

“Okwa tiwa, omulumenhu ngeenge ta henge po omukainhu waye, ndele ta di po puye, ndele omukainhu ta hombolwa komulumenhu umwe, omulumenhu ota dulu tuu okushuna vali kuye? Oshilongo itashi nyatekwa mbela koshinima shi fike apa? Ndele oove, nande wa haelwa kookaume voye vahapu, alukila kwaame, Omwene osho ta ti!

JESAJA 44:22

Ame ohandi dimi po omatauluko oye ngaashi omudidimbe nomatimba oye ongaashi oshilemo. Alukile nge, osheshi Ame onde ku kulila.

OMAYELETUMBULO 28:13

Ou ta holeke omatauluko aye, ita ka mona elao. Ndelenee ou te a hepaulula ndele te a efa, ota ka filwa onghenda.

OMAPSALOME 103:17

Ndelenee ouwanghenda wOmwene, oo ohau kala alushe fiyo alushe kombada yaava, have mu tila, noudiinini waye koludalo noludalo,

OMAPSALOME 103:8

Omwene Oye omunefilonghenda nomunanghenda, oku yadi onheni nouwanghenda munene.

OMAPSALOME 79:5

Omwene, fiyo onaini hano to kala wa handuka? Nonya yoye fiyo onaini tai kala ya xwama ngaashi omundilo?

2 OMAFIMBO 30:9

Osheshi ngeenge nye tamu aluka kOmwene, ovamwanyoko novana veni tava ka filwa onghenda kwaava ve va twala ko eenghwate, vo va shiive okwaaluka moshilongo eshi. Osheshi Omwene Kalunga keni Ye e nolune nonghenda, ndele ita ka pungulula oshipala shaye kunye, nye ngeenge tamu aluka kuye.”

2 EEHAMBA 17:6

Momudo omutimugoi waHosea, ohamba yaAsiria ya nangala Samaria, ndele ya twala Israel moukwatwa kuAsiria. Ndele ye va tula muHalag nopuHabor omulonga womuGosan, nomoilando yomuMedia.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

GENESIS 4:7

Hasho ngaha: ngeenge to longo ouwa, oto shiiva okuyelula omutwe woye; ndelenee ngeenge ito longo ouwa, oulunde otau ku nangele poshivelo, ndele tau ku hokwa. Ndele ove ou na oku u pangela.”

LEVITIKUS 26:40

“Opo nee vo otava hepaululile nge omatimba avo nomatimba ooxe eshi vo va li ve liteeka nge ndele va li va anya nge.

OMAPSALOME 103:9

Iha handuka alushe, nonya ihai kalelele muye.

JEREMIA 11:6

Ndele Omwene okwa lombwela nge: “Eendjovo odo adishe di udifila moilando yaJuda nomomapandavanda aJerusalem u tye: Udeni eendjovo dehangano eli nye mu di wanife!

JEREMIA 12:15

Ndelenee ngeenge nde va duda mo mokati kavo, ohandi va file onghenda vali, ndele handi va alulile, keshe umwe kefyuululo laye, nakeshe umwe kedu laye.

OMAIMBILOKEMO 3:22

molwouwanghenda wOmwene fye inatu kombwa po sheke, osheshi omafilonghenda aye kaena apa taa xulu po;

HESEKIEL 11:17

Onghee hano popya: Omwene Kalunga ota ti ngaha: Ame ohandi ke mu kombelela moiwana noku mu ongela moilongo muyo mwa halakanifilwa, ndele Ame handi ke mu pa edu laIsrael.

2 OMAFIMBO 29:10

Paife ndi nediladilo momutima wange: okuninga ehangano nOmwene, Kalunga kaIsrael, opo ehandu laye li kanduke po pufye.

JESAJA 31:6

Alukeni, onye Ovaisraeli, nye mu uye kuye ou mwe mu liteeka nai.

JEREMIA 31:21

Lidikila omadidiliko, li ningila oiulikifo yondjila, ndele tuvikila momwenyo woye ondjila nelila wa enda nale. Aluka, oove okakadona Israel, alukila koilando yoye ei.

SAKARIA 1:4

Inamu kala ngaashi ooxokulu ovo va udifilwa kovaxunganeki vonale eshi va tya: Omwene womatanga ovakwaita osho ta ti: Lidilululeni nye mu aluke keendjila deni dii nokoilonga yeni ii. Ndelenee vo inava uda noinava pwilikina nge, Omwene ta ti.